Genesis 28:4 - Manobo Western Bukidnon OT

⁴ Berakat he iveǥey zin kenikew wey te kevuwazan nu is tuvad he imbeǥey zin diyà te apù nu he si Abraham, su wey mehimu heini he kenikew he tanà is neubpaan nu ǥuntaan te sevaha he lumelengyawà. Heini he tanà ne imbeǥey te Megbevayà diyà te ki Abraham.”

Genesis 28:4 ပူးပေါင်းရင်းမြစ်များ

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 15:8

Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”

Genesis 27:33

Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”

Genesis 37:1

Ne ziyà med-ubpà si Jacob te tanà he Canaan he iyan daan sikan is tanà he mid-ubpaan dengan te amey zin he si Abraham.

1 Cronica 29:15

Netuenan nu he humuhulevungà key zà kayi te kelibutan iring te menge kepuun dey. Is untung dey ne iring dà te alung he egkehanew zà.

Salmo 39:12

Nengazen, tevaka nu is ked-ampù ku; pemineǥa nu is kebuyù ku te tavang. Seǥipaa nu is kedsineǥew ku. Su iring e zà te lumelengyawà he meǥeliyug nu kayi te kelibutan, iring te langun he menge kepuun ku.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Exodus 6:4

Midhimu ku is kebpekid-uyun ku kandan, he ibeǥey ku kandan is tanà te Canaan he iyan neubpaan dan dutun te kegkelumelengyawè dan.