Genesis 28:18 - Manobo Western Bukidnon OT

¹⁸ Utew pa zutun meselem te ked-enew ni Jacob. Migkuwa zin haazà is batu he mid-ulunè din, ne impehitindeg din haazà he tedeman din. Mid-itisan din haazà te lana su wey mehimu he segradu.

Genesis 28:18 ပူးပေါင်းရင်းမြစ်များ

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.

Genesis 22:3

Umbe, zutun te utew pa meselem te sunud he andew, midselem med-enew si Abraham ne midsilyahan din is asnu zin. Mibpengayu pa sikandin te idtavun dutun te pemuhat he edtutungen ne miduma zin is dezuwa he suluǥuen din wey is anak din he si Isaac ne migenat dan pehendiyà te vuvungan he migkaǥi te Megbevayà.

Genesis 28:11

Ne hein nekeuma sikandin diyà te sevaha he lugar, ne zutun dà sikandin medhizeǥà te haazà he kezukilemi su midsanlep en is andew. Migkuwa sikandin te vatu, ne mid-ulunè din haazà dutun te kedlipezeng din.

Genesis 31:13

Iyan a sikan is Megbevayà he mibpaahà kenikew ziyà te Betel kes lugar he zutun nu ipelastar kes tedeman nu he vatu he mid-itisan nu te lana. Dutun ka zaan mebpesarig kediey. Ne ǥuntaan, awè ka kayi te inged ne ulì ke en diyà te kenikew en he inged he zutun ka ianak.’ ”

Genesis 31:45

Umbe migkuwa zutun si Jacob te zekelà he vatu ne impelastar zin he tedeman.

Genesis 35:20

Ne zuen batu he impelastar ni Jacob diyà te leveng ni Raquel, ne taman en guntaan kemulu pa egketuusi is leveng ni Raquel tenged dutun.

2 Samuel 18:18

Hein uuyag pa si Absalom ne mibpehitindeg sikandin te munyumintu para te keugelingen din diyà te Suǥud te Hadì, su wazè din anak he maama he ebpekeuwit te ngazan din. Migngezanan din haazà te “Munyumintu ni Absalom,” ne iyan ded heini ngazan din taman guntaan.

Salmo 119:60

Ne seǥuǥunè ku midtuman is menge suǥù nu.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

Isaias 19:19

Dutun he timpu ebengunen is pemuhatà para te Nengazen diyà te teliwazà te tanà he Ehipto, ne ibpelastar zaan is tedeman he vatu ziyà te dulunà kayi.

Numero 7:1

Hein ingkepelastar en ni Moises sikan is Tulda he Ed-ezapan, mibpirikan din heini te lana, ne impehinungud din ragkes en is langun he menge gelemiten kayi. Iyan daan heini mibeelan din duen te tulda he iring ded te mibeelan din duen te pemuhatà wey is langun he ǥelemiten kayi.

Josue 4:9

Ne midsavuk daan si Josue te 12 he vatu ziyà te teliwazà duen te wahig, duen mismu te midhitindeǥan te menge memumuhat he ebinting duen te Kavan te Kebpekid-uyun. Ne taman en guntaan kemulu pa zutun haazà is menge vatu.

1 Samuel 7:12

Ne migkuwa si Samuel te vatu ne insavuk din diyà te pid-elangan te Mizpa wey Shen. Migngezanan din heini te Ebenezer su ke sikandin te, “Taman en guntaan is kedtevangi kenitew te Nengazen.”