Genesis 28:14 - Manobo Western Bukidnon OT

¹⁴ Is menge kevuwazan nu egkehimu he iring kezakel te eliyavuk te tanà. Pinaaǥi kenikew wey te menge kevuwazan nu, edtuvazan ku is langun he menge etew kayi te kelibutan.

Genesis 28:14 ပူးပေါင်းရင်းမြစ်များ

Genesis 12:3

Is menge etew he edtavang kenikew, edtuvazan ku. Is menge etew he ebpesipala kenikew, edrewakan ku. Ne pinaaǥi kenikew edtuvazan ku te meupiya is langun he menge etew ziyan te kelibutan.”

Genesis 13:14

Ne si Abram, hein mid-ewaan en sikandin ni Lot, migkeǥiyan sikandin te Nengazen te, “Pememantew ka puun diyan te edhitindeǥan nu ne ahaa nu is tanà he ziyà te zapit te edsilaan, wey ziyà te zapit te edsenlepan.

Genesis 13:15

Is taman te egkeehè nu he tanà, ibeǥey ku kenikew wey ziyà te menge kevuwazan nu, ne egkaangken dan te taman te taman.

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 18:18

Su kepuun si Abraham te utew zekelà wey mekeǥeǥehem he nasyun wey is kevuwazan din te peleebuten. Pinaaǥi kandin edtuvazan ku is langun he menge nasyun dini te kelibutan.

Genesis 22:18

Ne pinaaǥi te menge kevuwazan nu, edtuvazan ku is langun he menge nasyun diyan te kelibutan, tenged te midtuman nu is suǥù ku kenikew.”

Genesis 26:4

Edhimuwen ku he medmezakel is menge kevuwazan nu iring kezakel te menge vituen diyà te langit, ne ibeǥey ku heini kandan is langun he tanà. Ne pinaaǥi kandan, edtuvazan ku is langun he etew kayi te kelibutan.

Genesis 32:12

Piru mibpesarig ka kedì he edtuvazan a kenikew ne edhimuwen nu is menge kevuwazan ku he iring kezakel te pantad diyà te veyvey te zaǥat su kenè en egkengevilang.”

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

2 Cronica 1:9

Ne ǥuntaan, Nengazen he Megbevayà, tumana nu is impenangdù nu te amey ku he si David, su midhimu a kenikew he hadì te keet-etawan he iring kezakel te pantad.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Exodus 32:13

Tentunuzi nu is menge suluǥuen nu he si Abraham, si Isaac wey si Jacob; tentenuzi nu is meheǥet he penangdù nu ziyà te kandan he ibeǥey nu kandan is utew mahabet he kevuwazan su ebpekeiring te kahabet te menge vituen diyà te zivavew, ne id-amin nu ibeǥey zutun te menge kevuwazan dan is tanà he ingkepenaad nu he ibeǥey ziyà te kandan, ne egkepengevilin dan haazà te taman te taman.”

Isaias 54:3

Su ibpeiseg ku is menge dulunè nu, edsekupen te menge etew nu is duma he menge nasyun, ne ed-ubpaan dan is menge inged kayi.

Numero 23:10

Hentei is ebpekevilang te kahabet dan he iring te eliyavuk. Berakat he mebpatey a keuzemà iring te menge metazeng.”

Deuteronomio 12:20

“Emun edtumanen en te Nengazen he Megbevayè niw is impenaad din he ebpekeluaǥen din is tanè niw, ne egkesuat kew he egkaan te usa, egkehimu he egkaan kew minsan keenu.

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.