Genesis 27:28 - Manobo Western Bukidnon OT

²⁸ Berakat he veǥayi ka te Megbevayà te uuzaran he tanà he layun egkahames te zehemug he ibeǥey zin, su wey utew zekelà is keuyaǥan nu wey vinu.

Genesis 27:28 ပူးပေါင်းရင်းမြစ်များ

Genesis 27:37

Ne midtavak si Isaac te, “Midhimu ku en he iyan sikandin egalen nu ne is langun he menge kezuzumahi zin ne midhimu ku en he menge suluǥuen din. Impenuvadtuvad ku en diyà te kandin is idsegkayà he egkekaan wey egkeinum. Umbe wazè en egkehimu ku para kenikew?”

Genesis 27:39

Midtavak si Isaac te, “Diyè ka ebpekeubpà te tanà he kenà uuzaran, wey kenà heini lelayun egkahames te zehemug he tuvad te Megbevayà.

Genesis 45:18

Ne dumaha zan is amey niw wey is menge pemilya zan dini te kediey. Ebeǥayan ku sikandan te utew meupiya he tanà dini te ǥinhedian ku he Ehipto. Ibpekaan ku sikandan te utew meupiya zini te ǥinhedian ku.’

Genesis 49:20

“Sikew Asher, egkehimu ka he uuzaran. Ebpekeraǥun ka te menge keenen he para te menge dungganen he menge etew.

Genesis 49:25

Iyan sikandin kes Mekeǥeǥehem he Megbevayà he ed-ezapen te menge kepuun nu he edtavang wey ebpenuvadtuvad kenikew. Ebeǥayan ke zin te uzan wey wahig diyà te serebseb. Ebeǥayan ke zin daan te mezakel he menge anak wey menge uyaǥen.

2 Samuel 1:21

Berakat he wazè en uzan wey ke zehemug be, ziyà te menge vuntud he Gilboa wey verakat daan he wazè en edtuvù he menge pinemula ziyà te menge vevesukà kayi para idhalad te Megbevayà. Su keniyan buringi te menge kuntada is kelasag te mevurut he hadì he si Saul. Ne wazè en melenahi heini he kelasag para mebmetilak.

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

1 Hadì 5:11

Ne ebpeuwitan ni Solomon si Hiram te 60,000 he saku he trigu wey 110,000 he gelun te lana he ulibu kada tuig.

2 Cronica 2:10

Ebeyazan ku is menge tigtamped nu te menge kayu te 60,000 he saku he trigu, 60,000 he saku he barli, 110,000 he gelun he vinu, wey 110,000 he gelun he lana te ulibu.”

Salmo 104:15

Duen binu he ebpekelipey kandan, duen lana he ibmesinew te zagwey zan, wey zuen keenen he ebpekepezesen te lawa zan.

Salmo 133:3

Iring heini te zehemug diyà te Buntud he Hermon he nengetaktak diyà te Buvungan he Zion. Ne kayi te Zion medsaad is Nengazen te tuvad, he iyan is untung he wazà pidtemanan.

Salmo 36:8

Nengeperahan sikandan te idsegkayà he keenen diyà te valey nu; ipeinum nu sikandan te metaam he wahig nu.

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Isaias 45:8

Ebeǥey a te kezeeǥan duma is ketazeng, iring te kebeǥey te langit etawa kivel te uzan. Ne edewaten heini te menge etew kayi te kelibutan. Ebpekelepew is keluwasan wey is kezeeǥan duma is ketazeng iring te pinemula he edtuvù. Iyan a, is Nengazen midhimu kayi.

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Joel 2:19

Ne midtavak din is ampù dan he ke sikandin diyà te kandan te, “Ebeǥayan ku sikiyu te menge trigu, beǥu he vinu, wey lana; ne egkeperahan kew. Ne kenè ku en idtuǥut he peel-elezi kew te menge etew ziyà te zuma he menge nasyun.

Micas 5:7

“Is egkesamà he menge Israilihanen, ebpekeuwit te keupiyaanan diyà te mahabet he menge nasyun. Egkeiring sikandan te mahames he keramag wey uzan he ibpaaǥi te Nengazen su wey meketuvù is menge pinemula. Edsarig dan diyà te Megbevayà ne kenà diyà te etew.

Zacarias 8:12

Ke ebpemula kew ne zuen kelinew. Ebpemeǥas is menge paras, duen egkeraǥun diyà te tanà, ne zuen en dehemug. Heini is langun, ibeǥey ku ziyà te keniyu te egkengesama, ne egkaangken niw heini.

Numero 13:20

Susiya niw ke egkeveluyan be is tanè dan etawa kenà, wey ke zuen be zuen menge kayu etawa wazà. Ne peninguhaa niw he mekeuwit kew te menge prutas dutun te kedlikù niw zini.” (Timpu haazà te kegkengelutui te paras.)

Numero 18:12

Imbeǥey ku zaan keniyu is meupiya he menge sebpet he idhalad te menge Israilihanen he ebpuun te egkehuna he sebpet dan: lana te ulibu, binu, wey trigu.

Deuteronomio 32:2

Is menge penurù ku egkeulug he iring te uzan etawa zehemug. Is menge lalag ku iring te mereǥes he uzan diyà te menge sagbet ne iring te virisbiris diyà te menge pinemula.

Deuteronomio 33:13

Mehitenged te tribu ni Jose, migkaǥi si Moises te, “Berakat he edtuvazan te Nengazen is tanè dan ne layun din ebpeuzani wey ebpelepawan din te wahig he ebpuun diyà te zizalem te tanà.

Deuteronomio 33:28

Umbe, ebpekepengungubpaan is menge Israilihanen he meziyù te kezeetan, dutun te tanà he uuzaran te trigu wey vinu, wey zehemug he ebpuun diyà te langit he ebeǥey te wahig diyà te tanà.

Deuteronomio 7:13

Ebmahalen kew zin, edtuvazan kew zin, ne ibpemahabet kew zin. Ebeǥayan kew zin te mahabet he menge anak wey zekelà he sebpet puun te tanè niw: sebpet he trigu, binu, wey lana. Wey ibpemahabet din is menge uyaǥen niw zutun te tanà he impenangdù din he ibeǥey zin diyà te menge kepuun niw wey ziyà te keniyu.