Genesis 27:19 - Manobo Western Bukidnon OT

¹⁹ Ne midtavak si Jacob te, “Iyan a si Esau, kes kakey he anak nu. Midtuman ku en is insuǥù nu kedì. Enew ka wey ka mekekaan duen te neutel ku su wey a kenikew mepenubtuvazi.”

Genesis 27:19 ပူးပေါင်းရင်းမြစ်များ

Genesis 25:25

Haazà is kakey, ne meriǥàriǥà wey vulvulen is tivuuk he lawa zin, umbe migngezanan dan ki Esau, he ke và dà egkeǥiya, “Bulvulen.”

Genesis 25:28

Pelanggà ni Isaac si Esau su egkesuat layun sikandin he egkaan te egkengepenganup ni Esau, piru si Jacob ne iyan mulà pinelanggà ni Rebeka.

Genesis 27:18

Mid-uwit haazà ni Jacob diyà te amey zin, ke sikandin te, “Amà!” Midtavak si Isaac te, “Hentei ka he anak ku?”

Genesis 27:21

Migkaǥi si Isaac te, “Uvey ka, mama, su wey ku sikew meǥewezi wey ku mesusi ke tutuu ve iyan he iyan ka si Esau he anak ku.”

Genesis 27:31

Midhilutù daan sikandin te metaam he idsezà ne mid-uwit din diyà te amey zin. Ke sikandin diyà te amey zin te, “Amà, enew ka wey ka mekekaan kayi te netuǥesan ku su wey a kenikew mepenubtuvazi.”

Genesis 27:35

Midtavak si Isaac te, “Mid-ekalan a te hazi nu ne mid-eǥawan ke zin te ibpenuvadtuvad ku pezem kenikew.”

Genesis 27:4

Ne hilutua nu kedì is utew ku egkesuati he keenen ne uwita nu kayi te kedì su egkeenen ku. Egkepasad dutun ne ebpenubtuvazan ku sikew te kenè e pa ebpatey.”

Genesis 27:45

ne egkelipatan din en is mibeelan nu kandin. Ebpeveyaan ku zà sikew ziyan emun egkaaween is rerangit din kenikew. Kenè ku egkesuatan he egkaawè kew is dezuwa kayi te kedì te senga andew zà.”

1 Hadì 13:18

Migkaǥi haazà is meǥurang he ebpeneuven te, “Ebpeneuven e man daan iring kenikew. Ne midsuǥù te Nengazen is sevaha he velinsuǥuen din kayi te kediey su wey ku sikew hinggata su para mekekaan ka wey mekeinum.” (Piru midtarùtarù haazà is meǥurang he ebpeneuven.)

1 Hadì 14:2

Umbe, migkeǥiyan ni Jeroboam is esawa zin te, “Peuvag-uvag ka su para kenè ka mekilala he esawa ku sikew, ne hendiyè ka te Shilo. Su ziyà si Ahia he iyan kes ebpeneuven he migkaǥi kayi te kedì te egkehimu a he hadì te Israel.

Isaias 28:15

Su ibpehambug niw is kegkaǥi niw te, “Nekidsebutè key te kemetayen he kenè key zin kevuta, wey nekid-uyun key te iveyaan he kenè key zin ipehendiyà. Umbe kenè key egkekeizan minsan ebpekeuma is bangkit he iring te zalem, su midsarig key te menge ketetarù wey mid-endilung key ziyà te menge limbung.”