Genesis 26:30 - Manobo Western Bukidnon OT

³⁰ Umbe midtukud si Isaac te keemuran para kandan, ne migkaan dan wey nemen-inum dan.

Genesis 26:30 ပူးပေါင်းရင်းမြစ်များ

Genesis 19:3

Piru midteǥel sikandan ni Lot, umbe miduma zan diyà te valey zin. Ne mid-andam si Lot te menge inumen wey egkeenen dan, ne mibpevaal zaan sikandin te supas he wazè din tapey, ne midlavung sikandan.

Genesis 21:8

Ne hein malù en dekelà si Isaac, wey hein nelutas en sikandin, midtukud si Abraham te zekelà he keemuran.

Genesis 26:31

Utew pa meselem dutun te sunud he andew, ne mibpesèsaazè dan. Ne hein nepasad, ne impeǥenat ni Isaac sikandan he melipayen.

Genesis 31:54

Ne mibpemuhat sikandin dutun te vuvungan ne impekaan din te menge kezuzumahi zin. Ne hein nekekaan dan, dutun dan medhulavung.

Exodus 18:12

Ne si Jetro he enuǥang ni Moises, nemuhat diyà te Megbevayà te pemuhat he edtutungen wey zuma he menge ibpemuhat diyà te Megbevayà. Ne zutun te kemulu zin en ebeeli haazà, ne nekeuma si Aaron wey is langun he menge edumala te Israel. Ne migkaan dan duma ki Jetro zutun te etuvangan te Megbevayà.