Genesis 26:3 - Manobo Western Bukidnon OT

³ Kayi ke zà ubpà dèpa su edumahan ku sikew wey edtuvazan ku sikew. Ibeǥey ku heini kenikew wey ziyà te menge kevuwazan nu heini is langun he tanà. Edtumanen ku is pesarig ku te amey nu he si Abraham.

Genesis 26:3 ပူးပေါင်းရင်းမြစ်များ

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 13:15

Is taman te egkeehè nu he tanà, ibeǥey ku kenikew wey ziyà te menge kevuwazan nu, ne egkaangken dan te taman te taman.

Genesis 13:17

Ne hipanew ka ne susiya nu is tivuuk he tanà su ibeǥey ku en heini kenikew.”

Genesis 15:18

Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

Genesis 17:19

Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

Genesis 20:1

Ne zutun midlaus medhipanew ensi Abraham ne midhendiyè dan te tanà he Negev. Ne ziyè dan med-ubpà te pid-elangan te inged he Kadesh wey Shur. Ne hein neuǥet midhalin si Abraham diyà te inged he Gerar.

Genesis 25:11

Ne hein minatey en si Abraham, midtuvazan te Megbevayà is anak din he si Isaac, ne ziyà si Isaac med-ubpà te Beer Lahai Roi.

Genesis 26:12

Ne zutun he lugar mid-ezek si Isaac ne nekeraǥun sikandin te ke 100 metakep te haazè dà he tuig, tenged midtuvazan sikandin te Nengazen.

Genesis 26:14

Neima kandin is menge Filistihanen su utew mezakel is menge kerehidu zin, kambing, baka, wey menge suluǥuen din.

Genesis 26:24

Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

Genesis 31:3

Migkeǥiyan te Nengazen si Jacob te, “Ulì ke en diyà te lugar he mid-ubpaan te menge kepuun nu, ziyà te menge kezuzumahi nu, ne iyan a eduma kenikew.”

Genesis 35:12

Heini is tanà he imbeǥey ku ziyà te ki Abraham wey ziyà te ki Isaac, ibeǥey ku zaan kenikew wey ziyà te menge kevuwazan nu.”

Genesis 39:2

Midumahan te Nengazen si Jose umbe mid-iseg mebmeupiya is kebpekesavuk din. Diyà sikandin med-ubpà te valey te egalen din he tig-Ehipto he si Potifar.

Genesis 39:21

midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

Genesis 48:21

Ne zutun migkaǥi si Israel ziyà te ki Jose te, “Meǥaan en is kebpatey ku, iyan, edumahan kew zed te Megbevayà, ne ibpeulì din ded keuzemà is menge kevuwazan tew ziyà te tanà he mid-ubpaan te menge kepuun tew.

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

1 Cronica 16:16

Heini is kebpekid-uyun din, midhimu zin diyà te ki Abraham ne insaad din daan diyà te ki Isaac.

Salmo 105:8

Edtentenuzan din layun is kebpekid-uyun din. Kenè din edlipatan is menge saad din taman te taman

Salmo 105:9

Heini is kebpekid-uyun din, midhimu zin diyà te ki Abraham ne insaad din daan diyà te ki Isaac.

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Salmo 39:12

Nengazen, tevaka nu is ked-ampù ku; pemineǥa nu is kebuyù ku te tavang. Seǥipaa nu is kedsineǥew ku. Su iring e zà te lumelengyawà he meǥeliyug nu kayi te kelibutan, iring te langun he menge kepuun ku.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 6:4

Midhimu ku is kebpekid-uyun ku kandan, he ibeǥey ku kandan is tanà te Canaan he iyan neubpaan dan dutun te kegkelumelengyawè dan.

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Exodus 6:8

Ne ziyè ku sikiyu ed-uwita te tanà he insaad ku he ibeǥey ku ziyà te ki Abraham, ki Isaac, wey ki Jacob. Ibeǥey ku haazà keniyu, ne egkaangken niw en. Iyan a sikan is Nengazen.’ ”

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Isaias 43:5

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

Micas 7:20

Ibpeehè nu kenami te menge kevuwazan ni Abraham wey ni Jacob is kebmetinumanen nu wey kebmahala nu kenami sumalà te impenaad nu ziyà te kandan dengan.”

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

Deuteronomio 1:8

Heini he menge tanà ibeǥey ku keniyu. Hendiyè kew en ne ubpai niw heini he menge tanà is insaad ku ziyà te menge kepuun niw he si Abraham, si Isaac, wey si Jacob, wey te menge kevuwazan dan.’ ”

Deuteronomio 34:4

Ne zutun migkaǥi is Nengazen diyà te ki Moises te, “Iyan heeyan sikan is tanà he impenaad ku ziyà te ki Abraham, ki Isaac, wey ki Jacob, ne migkaǥi a ziyà te kandan te ibeǥey ku heeyan diyà te menge kevuwazan dan. Impeehè ku heeyan kenikew piru kenè ka mulà ebpekehengkeniyan.”