Genesis 26:25 - Manobo Western Bukidnon OT

²⁵ Umbe mibaal si Isaac dutun te pemuhatà ne mid-azap te Nengazen. Impehitindeg din dutun he lugar is tulda zin ne impevangbang din is menge suluǥuen din te kalut.

Genesis 26:25 ပူးပေါင်းရင်းမြစ်များ

Genesis 13:18

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.

Genesis 13:4

Ne iyan daan haazà inged he zuen pemuhatà he mibeelan din dutun. Ne mid-umanan din dutun pengum-umawa is Nengazen.

Genesis 22:9

Ne hein nekeuma zan en dutun te vuvungan he impaahà te Megbevayà ki Abraham, mibaal si Abraham te pemuhatà, ne insavuk din dutun is menge kayu. Mibakus din dutun si Isaac ne insavuk din daan sikandin dutun te zivavew te kayu he ziyà te pemuhatà.

Genesis 26:32

Haazà he andew, nekeuma is menge suluǥuen ni Isaac, ne midtudtulan dan sikandin he zuen wahig duen te kalut he mibengbangan dan.

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 35:1

Ne zutun migkaǥi is Megbevayà diyà te ki Jacob te, “Penines ka ne halin ka ziyà te Betel ne ziyè ka ubpà. Ne vaal ka ziyà te pemuhatà para kediey, kes Megbevayà he mibpaahà kenikew zengan dutun te timpu he ebpeleǥuyan nu is kakey nu he si Esau.”

Genesis 4:26

Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.

Salmo 116:17

Ed-ezapen ku sikew ne edhalad a para te kebpeselamat kenikew.

Exodus 17:15

Ne mibaal si Moises te pemuhatà he migngezanan din te, “Iyan Bendirè ku te Kezeeǥan is Nengazen.”