Genesis 26:24 - Manobo Western Bukidnon OT

²⁴ Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 26:24 ပူးပေါင်းရင်းမြစ်များ

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

Genesis 21:17

Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.

Genesis 22:19

Hein nepasad haazà, midlikuan eni Abraham sikan is dezuwa he suluǥuen din, ne midhendiyè dan te Beersheba, ne ziyà si Abraham med-ubpà te Beersheba.

Genesis 24:12

Ne zutun mid-ampù haazà is suluǥuen, “Sikew is Nengazen, Megbevayà te egalen ku he si Abraham, tevangi a ǥuntaan ne ipeehè nu is gaǥew nu te egalen ku he si Abraham.

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

Genesis 28:3

Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.

Genesis 30:27

Midtavak si Laban te, “Emun meupiya zà is gehinawa nu, ne zini ke pa ubpà. Su sumalà te kebarè ku, netuenan ku he midtuvazan a te Nengazen pinaaǥi kenikew.

Genesis 31:5

Migkeǥiyan din sikandan te, “Neǥezam ku he nahalin en is gehinawa zin kedì guntaan kenà te nehuna. Piru is Megbevayà te amey ku iyan edtavang kedì.

Genesis 39:2

Midumahan te Nengazen si Jose umbe mid-iseg mebmeupiya is kebpekesavuk din. Diyà sikandin med-ubpà te valey te egalen din he tig-Ehipto he si Potifar.

Genesis 39:3

Naahà te egalen din he midumahan si Jose te Nengazen wey midtuvazan is langun he menge vaal zin,

Genesis 46:1

Ne zutun migenat si Jacob duma te pemilya zin, ne mid-uwit dan is langun he menge azen dan. Ne hein nekeuma zan diyà te Beersheba, mibpemuhat din is Megbevayà te amey zin he si Isaac.

1 Hadì 17:13

Ne migkaǥi si Elias diyà te kandin te, “Kenè ka meseeng. Ulì ka ne veeli nu is migkaǥi nu. Piru hunai a kenikew hilutui te zeisey zà he supas he ebpuun duen te nesamà he herina nu, ne segugunè nu uwita kayi te kediey. Ne emun igkahated nu en kayi te kediey ne hilutù ka zaan te para kenikew wey para te anak nu.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 44:2

Iyan a Nengazen, iyan a midlimbag kenikew wey midtavang kenikew. Kenè ka mahandek, is suluǥuen ku wey pinilì ku he menge etew.

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Isaias 51:7

Pemineg kew kediey is nengesayud ke hengkey is hustu wey edtuman te kesuǥuan ku! Kenè kew mahandek te kedsudì wey ked-eled-eled te menge etew keniyu.

Penhulùhulù 3:57

Nekeuma ka hein mid-umew ku sikew, ne migkaǥi ka te kenà a mahandek.

Leviticus 26:42

edtumanen ku is kebpekid-uyun ku te menge kepuun niw he si Abraham, si Isaac, wey si Jacob ne idlikù ku sikiyu ziyà te tanè niw.

Leviticus 26:45

Edtumanen ku ziyà te keniyu is kebpekid-uyun ku te menge kepuun niw he impeǥawas ku puun te Ehipto su impeehè ku ziyà te menge nasyun is gehem ku. Mibeelan ku heini ziyà te menge kepuun niw su para siak is Nengazen mehimu he Megbevayè dan. Iyan a kes Nengazen.

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.

Deuteronomio 31:6

Mebpekezesen kew wey mebpekevurut kew. Kenè niw sikandan ikahandek su zuma niw is Nengazen he Megbevayè niw; kenè kew zin ed-ewaan wey ed-iniyuǥan.”

Ruth 3:11

Ne kenè ka, bayi, mahandek, su netuenan te langun he menge meǥinged kayi he utew ka metazeng he vahi. Edhimuwen ku is langun he egkesuatan nu.