Genesis 26:14 - Manobo Western Bukidnon OT

¹⁴ Neima kandin is menge Filistihanen su utew mezakel is menge kerehidu zin, kambing, baka, wey menge suluǥuen din.

Genesis 26:14 ပူးပေါင်းရင်းမြစ်များ

Genesis 12:16

Tenged ki Sarai mibpurungan dutun te hadì si Abram, ne mibeǥayan din si Abram te menge vaka, kerehidu, menge asnu he vehiyan wey meemahan, wey menge kemilyu, wey menge uripen he vahi wey maama.

Genesis 13:2

Utew en sepian si Abram su utew mezakel is menge ayam din wey mezakel is menge azen din he pelata wey vulawan.

Genesis 24:35

Midtuvazan sikandin te Nengazen, ne utew zekelà is ketiǥeyunan din guntaan. Mibeǥayan sikandin te Nengazen te menge kerehidu, menge kambing, menge vaka, menge kemilyu, menge asnu, menge pelata, menge vulawan, wey menge suluǥuen he maama wey vahi.

Genesis 25:5

Iyan si Isaac ibpepengevilin te langun he menge azen ni Abraham.

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Genesis 37:11

Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Job 42:12

Umbe, midtuvazan te Nengazen is huziyan he vahin te ked-ubpà ni Job te lavew pa zuen te nehuna. Mibeǥayan din sikandin te 14,000 he menge kerehidu, 6,000 he menge kemilyu, 1,000 he paris te menge vaka, wey 1,000 he vehiyan he menge asnu.

Job 5:2

Is pauk wey kesina, edhimatey te tulebung he etew he wazè din ketau.

Salmo 112:10

Egkaahà heini te menge lalung ne egkekeǥetket is menge ngipen dan te kegkepauk dan, ne henduen be sikandan te egkereney tenged te kegkeeled dan. Kenà edlampus is menge pelanu zan.

Salmo 112:3

Edsepian is pemilya zin, ne kenà egkelipatan is keupiya zin taman te taman.

Erubasa 10:22

Ebpekepesepian te etew is kedtuvazi kandin te Nengazen, ne kenà heini egkekuwa pinaaǥi te subra he kebpenigudu.

Erubasa 27:4

Ebpekezezaat is pauk wey rerangit, iyan, edhuna pa is kebpengelikud.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

1 Samuel 18:9

Umbe, puun dutun he andew ebenteyanan ni Saul si David su nesina sikandin.