Genesis 25:3 - Manobo Western Bukidnon OT

³ Si Jokshan ne iyan anak din si Sheba wey si Dedan. Is menge kevuwazan ni Dedan ne iyan is menge Ashurnen, menge Litushnen, wey Liumnen.

Genesis 25:3 ပူးပေါင်းရင်းမြစ်များ

Genesis 25:2

Is menge anak dan iyan ensi Zimran, Jokshan, Medan, Midian, Ishbak, wey si Shua.

Genesis 25:4

Is menge anak ni Midian ne iyan si Efa, si Efer, si Hanoc, si Abida, wey si Eldaa. Iyan heini sikandan menge kevuwazan ni Ketura.

2 Samuel 2:9

Dutun impahayag ni Abner he iyan si Ishboshet hadì te tivuuk he Israel, ragkes en kayi is menge lugar ziyà te Gilead, Ashuri, Jezreel, Efraim, wey Benjamin.

1 Hadì 10:1

Hein nezineg duen te rayna ziyà te Sheba is kegkevantug ni Solomon, he nekeveǥey ziyà te Nengazen te zengeg, midhendiyà sikandin te ki Solomon su egezaman din is ketau ni Solomon pinaaǥi te ked-insà te mereǥen he edtevaken he menge insà.

Job 6:19

Is menge nigusyanti he tig-Tema wey tig-Sheba he ebiyahi, ebperateng dan te wahig he egkeinum dan dutun,

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 21:13

Heini he menge lalag ne mehitenged te Arabia: Sikiyu is menge etew ziyà te Dedan, he is menge grupu te menge nigusyanti niw he ebpemenhipanew he egkampu ziyà te sibsivayan te Arabia,

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Jeremias 25:23

Dedan, Tema, Buz, is menge mibpen-elutan is dapit te kendingen dan,

Jeremias 49:8

Sikiyu is nemen-ubpà diyà te Dedan, ebpemelaǥuy kew ne ed-eles kew ziyà te mezalem he menge surung. Su ebpeeǥiyan ku te kezeetan is menge kevuwazan ni Esau dutun te timpu te kedsiluti ku kandan.

Ezekiel 25:13

Umbe iyan a, is Nengazen he Megbevayà, migkaǥi te edsilut a ziyà te Edom ne ebpenhimetayan ku is menge etew kayi wey menge uyaǥen. Edhimuwen ku is Edom he mekevulungbulung he lugar puun te Teman taman te Dedan, ne ebpematey te tebek is menge meǥinged kayi.

Ezekiel 27:15

“ ‘Mibpetiǥayun daan diyà te kenikew is menge tig-Dedan, ne mahabet is menge sukì nu ziyà te menge lugar he ziyà te veyvey te zaǥat. Is imbayad dan kenikew menge ungal te ilipanti wey menge mezesen wey meitem he menge kayu.

Ezekiel 27:20

“ ‘Is inliwà te menge tig-Dedan te menge velegyè nu iyan is menge manggad he ebeelan he valhen.

Ezekiel 27:6

Ne menge kayu he ulayan he ebpuun diyà te Bashan is menge vegsey nu. Ne menge kayu he sipris he ebpuun diyà te balet he Kitim is saag nu, ne mibpekeplaan heini te dayandayan he ungal te ilipanti.