Genesis 24:61 - Manobo Western Bukidnon OT

⁶¹ Ne nepasad dutun, mid-untud si Rebeka wey sikan is menge suluǥuen din he vahi duen te menge kemilyu zan, ne miduma sikandan duen te suluǥuen ni Abraham.

Genesis 24:61 ပူးပေါင်းရင်းမြစ်များ

Genesis 2:24

Iyan heini hinungdan ke maan is ed-ewaan te maama is amey zin wey iney zin ne ebpengesawa te vahi, ne zutun egkehimu haazà is maama wey vahi he sevaha zà.

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Genesis 24:62

Ne si Isaac, diyà sikandin ed-ubpà te Negev, beǥu pa sikandin mekeulì he ebpuun te Beer Lahai Roi.

Genesis 31:34

Piru ingke-eles-en ni Raquel ziyà te bulsavulsa zuen te silya te kemilyu zin, ne mibpinuuwan din heini. Ne midsusi ni Laban is langun he menge taǥù dutun te tulda ne wazè din maahà.

Ester 8:10

Impesurat heini ni Mordecai pinaaǥi te ngazan ni Hadì Ahasuerus, wey midtuusan te sising te hadì. Ne impeuwit te menge sinuǥù he nemen-untud diyà te meǥaan he menge kudà te hadì.

Ester 8:14

Tenged te suǥù te hadì, migenat is menge menunudtulà he mid-untud te mezesen he menge kudà te hadì. Impehibelu zaan haazà he suǥù diyà te vinerengbeng he inged he Susa.

Salmo 45:10

Sikew is ed-esewaan te hadì, pemineǥa nu is egkeǥiyen ku: lipati nu en is menge emurè nu te inged wey is menge kezuzumahi nu,

Zatù 5:30

“Iyan buwa ingkeuǥet dan is kebpenguwa wey kebahin te menge azen he naaǥew zan: kela ke sevaha etawa zezuwa he vahi is para te sevaha he sundaru, ne zuen mahalen he menge visti he para ki Sisera, wey zuen mekempet he menge visti he mibpurungan burdahi he para kediey.”

1 Samuel 25:42

Mid-untud si Abigail te asnu ne miduma zutun te midsuǥù ni David. Mid-uwit din daan is lelima he suluǥuen din he menge vahi. Ne neesawa sikandin ni David.

1 Samuel 30:17

Midsurung sikandan ni David duma is menge sakup din, ne dezuwa he kezukileman is kedtebek dan taman te mid-uman en maan mebmezukilem. Ne wazà minsan sevaha he nekepelaǥuy gawas te 400 he menge betan-en he nemen-untud te kemilyu he nemelaǥuy.