Genesis 24:26 - Manobo Western Bukidnon OT

²⁶ Ne zutun midluhud is suluǥuen diyà te etuvangan te Nengazen.

Genesis 24:26 ပူးပေါင်းရင်းမြစ်များ

Genesis 22:5

Migkeǥiyan din is menge suluǥuen din te, “Dini kew zà dèpa taǥad duma is asnu, su edlaus key pa ziyà su ed-azap key te Megbevayà. Edlikù key zè kan dini.”

Genesis 24:25

Duen egkehizeǥaan niw ziyà te kenami, wey zekelà daan is menge reǥami he idsamak para te menge kemilyu niw.”

Genesis 24:48

Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.

Genesis 24:52

Ne hein nezineg duen te suluǥuen ni Abraham haazà is lalag dan midlangkeb en maan sikandin is ed-azap diyà te Nengazen.

1 Cronica 29:20

Ne migkeǥiyan ni David is tivuuk he keet-etawan te, “Deliǥa niw is Nengazen he Megbevayè niw.” Ne zutun midalig dan is Nengazen, he Megbevayà te menge kepuun dan. Midluhud dan wey midungul he tuus te kebeǥayi zan te zengeg te Nengazen wey te hadì.

2 Cronica 20:18

Ne midluhud si Jehoshafat wey is langun he tig-Juda wey tig-Jerusalem te ked-azap te Nengazen.

2 Cronica 29:30

Midsuǥù ni Hadì Hezekia wey te menge upisyal zin is menge Levihanen te kedalig te Nengazen pinaaǥi te kegkentaha zan te menge kentahan he vineelan ni Hadì David wey ni Asaf he ebpeneuven. Ne melipayen sikandan he egkanta te menge kentahan he idalig dutun te midluhud sikandan is ed-azap te Megbevayà.

Nehemias 8:6

Midalig ni Ezra is Nengazen, he mekeǥeǥehem he Megbevayà. Ne midtavak is menge etew te, “Amen! Amen!” dutun te ibayew zan is belad dan. Ne midluhud sikandan is ed-azap te Nengazen.

Salmo 22:29

Kenà duwazuwa he edsimba kenikew is langun he menge sepian he etew kayi te kelibutan. Minsan is langun he menge etew he henduen be te ebpematey en, ne ibpeehè dan is kedtahud dan kenikew su edluhud dan. Wey minsan sikan is nemematey en,

Salmo 66:4

Is langun he menge etew kayi te tivuuk he kelibutan, ed-azap dan kenikew. Ne egkanta zan te kedalig kenikew.”

Salmo 72:9

Berakat he mebpesakup kandin is menge kuntada zin he ziyà ebpemen-ubpà te sibsivayan.

Salmo 95:6

Kuwa kew en, edluhud kiw te ked-ezapa te Nengazen he midlimbag kenitew.

Exodus 12:27

keǥiyi niw sikandan te, ‘Pista heini te Kedlavey te Belinsuǥuen te Nengazen he edsilibrahan para te kebeǥey te zengeg te Nengazen, su midlevayan din dà is menge valey tew te menge Israilihanen diyà te Ehipto hein kebpenhimetayi zin te menge Ehiptohanen.’ ” Ne hein nekepasad dutun he edlalag si Moises, ne midluhud is menge Israilihanen ne mid-azap dan is Nengazen.

Exodus 34:8

Ne segugunà si Moises midluhud diyà te tanà is ed-azap te Nengazen.

Exodus 4:31

ne midtuu sikandan. Ne hein netuenan dan he igkeseeng sikandan te Nengazen wey naahà te Nengazen is kemeresayan dan, midluhud sikandan te ked-azap kandin.

Micas 6:6

Mid-insà is sevaha zuen te menge Israilihanen te, “Hengkey is hustu he ibpemuhat ku ziyà te Nengazen, he Megbevayà diyà te langit, emun ed-ezapen ku sikandin? Ebpemuhat e ve te vaka he senge-tuig is keǥurang din he pemuhat he edtutungen?

Zatù 7:15

Ne hein nezineg ni Gideon haazà is teǥeinep wey is kehuluǥan din, ne midalig din is Nengazen. Ne midlikù sikandin diyà te kampu te menge Israilihanen ne migkeǥiyan din is menge zuma zin te, “Gaanggaan kew en, su ibpezaag kenitew te Nengazen is menge Midianhen.”

1 Samuel 1:28

Umbe, guntaan idhalad ku sikandin diyà te Nengazen, wey mekepenilbi sikandin te Nengazen seled te tivuuk he untung din.” Ne zutun midsimba zan is Nengazen.