Genesis 24:12 - Manobo Western Bukidnon OT

¹² Ne zutun mid-ampù haazà is suluǥuen, “Sikew is Nengazen, Megbevayà te egalen ku he si Abraham, tevangi a ǥuntaan ne ipeehè nu is gaǥew nu te egalen ku he si Abraham.

Genesis 24:12 ပူးပေါင်းရင်းမြစ်များ

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 24:21

Mibpeniid dà haazà is suluǥuen, ne ed-is-isipen din ke ebmenmenuwen te Nengazen te edhimu wey metuman is tuyù din te kedhendutun te haazà he lugar.

Genesis 24:27

Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

Genesis 24:42

“Umbe, geina te kebpekeuma ku ziyà te kalut, mid-ampù a. Ke siak te, ‘Nengazen, Megbevayà te egalen ku he si Abraham, berakat he ituǥut nu he mehimu is tuyù ku te kedhengkayi ku.

Genesis 24:48

Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.

Genesis 26:24

Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 27:10

Ne uwita nu heini ziyà te kandin su wey iyan ke zin mepenubtuvazi te kenè pa sikandin ebpatey.”

Genesis 27:20

Ne mid-insà si Isaac te, “Mama, maan is utew ka meǥaan nekeutel?” Midtavak si Jacob te, “Mid-uǥupan a te Nengazen he Megbevayè nu.”

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 31:42

Emun buwa wazà a tevangi te Megbevayà te amey ku he si Isaac, kes Megbevayà ni Abraham, kela ke midsegseg e en kenikew he wazà uwiten he minsan hengkey. Piru naahà te Megbevayà is kedhaǥù ku wey kedterebahu ku, umbe midawey ke zin geina he mezukilem.”

Genesis 32:10

Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.

Genesis 32:9

Ne zutun mid-ampù si Jacob te, “He Megbevayà te apù ku he si Abraham wey Megbevayà te amey ku he si Isaac, iyan ka kes Nengazen he migkaǥi kediey he med-ulì a ziyà te menge kezuzumahi ku, diyà te tanà he zutun a ianak, ne edtuvazan a kenikew.

Genesis 43:14

Berakat he pengelinteuwi te Mekeǥeǥehem he Megbevayà he mehizuwi kew zin su wey ituǥut din he mekeulì si Simeon wey si Benjamin. Ne siak, emun iyan imbanglis kediey he egkeewaan e pa te menge anak ku ne kinahanglan he ed-entusen ku.”

1 Hadì 18:36

Hein timpu en te kebpemuhat, mid-uvey si Elias he ebpeneuven duen te pemuhatà ne nengemuyù sikandin. Ke sikandin te, “Nengazen he Megbevayà ni Abraham, ni Isaac, wey ni Jacob, ipeehè nu is puriba ǥuntaan he andew he iyan ka Megbevayà te Israel ne suluǥuen a kenikew, ne mibeelan ku heini is langun he vaal su iyan insuǥù nu.

2 Hadì 2:14

Ne inlagkut din diyà te wahig sikan is samput ni Elias ke sikandan te, “Hendei en is Nengazen he Megbevayà ni Elias?” Ne hein mibeelan din haazà, ne neluwisan dutun is nezalandalan he tanà ne segugunà sikandin midlayun.

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Salmo 118:25

Nengazen, ebpengemuyù key ziyà te kenikew he ipelaus nu is kedlibriya nu kenami. Himuwa nu he mebmelempusen is menge vaal zey.

Salmo 122:6

Ampù kew para te meupiya he kebpekesavuk te menge etew ziyà te Jerusalem pinaaǥi te kegkaǥi te, “Berakat he mebmeuswaǥen is menge etew he mibmahal zan heini he inged.

Salmo 127:1

Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

Salmo 37:5

Ipeveyveyai nu te Nengazen is tivuuk he untung nu; sarig ka ziyà te kandin ne ebeelan din heini ziyà te kenikew:

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.