Genesis 23:9 - Manobo Western Bukidnon OT

⁹ su wey zin ivelegyà kayi te kedì haazà is surung he kilid te vevesukè din diyà te Macpela. Keǥiyi niw sikandin he ebeyazan ku te hustu he prisyu, kayi te etuvangan niw para egkehimu he penlevengè ku.”

Genesis 23:9 ပူးပေါင်းရင်းမြစ်များ

Genesis 23:10

Ebpimpinuu zutun si Efron duma te menge zuma zin he menge Hitihanen, umbe midtavak din si Abraham diyà te etuvangan te langun he menge zuma zin he menge Hitihanen he midtiǥum dutun te pultahan te inged.

Genesis 23:4

“Nekeubpà a kayi te lugar niw he sevaha he lumelengyawè dà, umbe emun egkehimu ipepemsa a keniyu te tanà he edlevengan ku te esawa ku.”

Genesis 23:8

Ke sikandin te, “Emun idtuǥut niw he idleveng ku kayi is esawa ku, edhengyuen ku keniyu he melelaǥi ku si Efron is anak ni Zohar,

Genesis 25:10

Haazà is tanà, ne mibpemasa ni Abraham dutun te menge Hitihanen. Diyà si Abraham ileveng wey is esawa zin he si Sara.

Genesis 49:29

Ne zutun duen intelaan ni Jacob diyà te menge anak din, ke sikandin te, “Meǥaan e en ebpekaamur te menge kepuun ku he nemematey en. Ne emun egkehitavù en heini, ne ziyà a keniyu ileveng te surung duma te menge kepuun ku he ziyà te vevesukà ni Efron he Hitihanen.

Genesis 50:13

Ne mid-uwit dan is lawa zin diyà te Canaan ne inleveng dan diyà te surung he ziyà te vevesukà te Macpela, diyà te edsilaan te Mamre. Heini he vevesukà mibpemasa ni Abraham diyà te ki Efron he Hitihanen, su ebeelan din he penlevengà.

1 Cronica 21:22

Migkeǥiyan ni David sikandin te, “Ivelegyè nu kedì heini is gunasè nu para ebpehitindeǥan ku te pemuhatà para te Nengazen, wey meengked en is kedlimasa te menge etew. Ebeyazan ku sikew ke pira is bali kayi.”

1 Cronica 21:24

Piru midtavak si Hadì David ki Arauna, “Kenè ku heini edewaten he wazà bayad. Ebeyazan ku sikew ke pira is bali kayi. Kenè ku egkehimu he egkuwaan ku zà heini ziyà te kenikew he idhalad diyà te Nengazen. Kenà a ebpemuhat te pemuhat he edtutungen he wazà bali kayi te kedì.”