Genesis 23:11 - Manobo Western Bukidnon OT

¹¹ Ke sikandin te, “Kayi te etuvangan te menge zuma ku, ibeǥey ku kenikew is tivuuk he vevesukè ku ragkes sikan is surung. Umbe egkehimu en idleveng nu is esawa nu.”

Genesis 23:11 ပူးပေါင်းရင်းမြစ်များ

Genesis 23:12

Ne mid-uman si Abraham medluhud he tuus te kebpeselamat din diyà te etuvangan te menge meǥinged dutun,

Genesis 23:6

“Datù, pemineǥa nu is egkeǥiyen dey. Migkilala zey sikew he telehuzen he etew, umbe egkehimu he minsan hendei nu idleveng is esawa nu kayi te pinekemeupiya he penlevengè dey. Wazà minsan hentei kenami he kenà ebeǥey kenikew te edlevengan te esawa nu.”

Isaias 32:8

Piru sikan is etew he tutuu he dungganen ebpelanu te kebaal te dungganen he menge vaal, ne edtumanen din heini layun.

Numero 35:30

“Is minsan hentei he edhimatey te iring din he etew, kinahanglan he edhimetayan, piru kinahanglan he zuen menge tistiǥus he ebpekepeǥumbenar he tutuu he nekepatey haazà he etew. Emun sevaha zà he tistiǥus is ebpeǥumbenar, ne kenà edhimetayan haazà is etew.

Deuteronomio 17:6

Egkehimu he edhimetayan is etew emun egketuenan he nekesalà sikandin pinaaǥi te kebpenistiǥus te zezuwa etawa tetelu he menge tistiǥus, iyan, emun sevaha zà is ebpenistiǥus ne kenà egkehimu he edhimetayan.

Deuteronomio 19:15

“Kenè kew hukum he nekesalà is sevaha he etew emun sevaha zà is ebpenististiǥus he nekesalà haazà. Is sumbung kinahanglan he zezuwa etawa tetelu he tistiǥus is ebpenistiǥus zuen.

Ruth 4:1

Ne si Boaz, diyà sikandin medtandang te husayan he ziyà te pultahan dutun te inged ne zutun sikandin mebpinuu. Ne zutun nekeuma haazà is etew he migkaǥi ni Boaz he iyan sikan is mesipeg te esawa ni Ruth. Ne mid-umew sikandin ni Boaz, ke sikandin te, “Geli, uvey ka kayi ne pinuu ke zèpa.” Ne zutun mid-uvey haaza is etew ne mibpinuu.

Ruth 4:11

Ne zutun migkaǥi is menge ebmeǥurangen wey is menge zuma he etew te, “Uya, iyan key ebpekepenistiǥus. Ne haazà is bahi he ed-esewaan nu, berakat he edhimuwen te Nengazen he iring sikandin ki Raquel wey ki Lea te menge esawa ni Israel dengan he utew kiw mezakel is menge kevuwazan dan. Berakat he medsepian ka is kevuwazan ni Efrata; berakat he mevantug ka zini te Betlehem.

Ruth 4:4

Neisip ku he ibpesayud ku kenikew. Ne emun egkesuatan nu, pemesaha nu kayi te etuvangan kayi te menge etew. Iyan, emun kenè nu egkesuatan, kaǥi ka. Kenikew is ketenged te kebpemesaha kayi, iyan, ke kenè nu ebpemesahan ne kediey en sikan is ketenged.” Ne midtavak dutun haazà is etew te, “Ebpemesahan ku.”

Ruth 4:9

Ne zutun migkaǥi si Boaz diyà te menge ebmeǥurangen wey te langun he menge etew ziyà, ke sikandin te, “Menge tistiǥus kew ǥuntaan he mibpemasa ku ziyà te ki Naomi haazà is langun he tanà he ǥaked dengan ni Elimelek wey ǥaked ni Kilion wey ni Mahlon.