Genesis 22:9 - Manobo Western Bukidnon OT

⁹ Ne hein nekeuma zan en dutun te vuvungan he impaahà te Megbevayà ki Abraham, mibaal si Abraham te pemuhatà, ne insavuk din dutun is menge kayu. Mibakus din dutun si Isaac ne insavuk din daan sikandin dutun te zivavew te kayu he ziyà te pemuhatà.

Genesis 22:9 ပူးပေါင်းရင်းမြစ်များ

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 13:18

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.

Genesis 22:10

Ne migewezan ni Abraham is ubpit su edhimetayan din en is anak din.

Genesis 22:8

Ne midtavak dutun si Abraham te, “Is Megbevayà, Mama, iyan ebeǥey kenita te nati he kerehidu he egkehimu he ibpemuhat he edtutungen.” Ne midlaus dan en dutun is dezuwa he edhipanew.

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.

1 Hadì 18:33

Impurung din ipemelastar is tavun dutun te pemuhatà ne midsapù din sikan is baka ne in-untud din duen te tavun. Ne migkeǥiyan din is menge etew te, “Busbusi niw te heepat he umuy te wahig heini is pemuhat wey is tavun din.” Ne hein nepasad dan haazà,

Salmo 118:27

Is Nengazen, iyan sikandin Megbevayà; ne utew kiw zin mibpurungi. Ed-uwit kiw te menge subpang te kayu te kedsilibra tew te pista, ne edliǥuy kiw zuen te pemuhatà.