Genesis 22:18 - Manobo Western Bukidnon OT

¹⁸ Ne pinaaǥi te menge kevuwazan nu, edtuvazan ku is langun he menge nasyun diyan te kelibutan, tenged te midtuman nu is suǥù ku kenikew.”

Genesis 22:18 ပူးပေါင်းရင်းမြစ်များ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 12:3

Is menge etew he edtavang kenikew, edtuvazan ku. Is menge etew he ebpesipala kenikew, edrewakan ku. Ne pinaaǥi kenikew edtuvazan ku te meupiya is langun he menge etew ziyan te kelibutan.”

Genesis 18:18

Su kepuun si Abraham te utew zekelà wey mekeǥeǥehem he nasyun wey is kevuwazan din te peleebuten. Pinaaǥi kandin edtuvazan ku is langun he menge nasyun dini te kelibutan.

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 22:10

Ne migewezan ni Abraham is ubpit su edhimetayan din en is anak din.

Genesis 22:3

Umbe, zutun te utew pa meselem te sunud he andew, midselem med-enew si Abraham ne midsilyahan din is asnu zin. Mibpengayu pa sikandin te idtavun dutun te pemuhat he edtutungen ne miduma zin is dezuwa he suluǥuen din wey is anak din he si Isaac ne migenat dan pehendiyà te vuvungan he migkaǥi te Megbevayà.

Genesis 28:14

Is menge kevuwazan nu egkehimu he iring kezakel te eliyavuk te tanà. Pinaaǥi kenikew wey te menge kevuwazan nu, edtuvazan ku is langun he menge etew kayi te kelibutan.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Exodus 7:6

Midtuman ni Moises wey ni Aaron is insuǥù kandan te Nengazen.

Jeremias 4:2

ne ngazan ku zà is gemita nu emun edheǥeten nu is penangdù nu ne pengungubpaan ka he egkeseriǥan, hustu wey metazeng, ne egkehimu ka he tuvad te menge nasyun, ne ebeǥayan ke zan te zengeg.”

Jeremias 7:23

kekenà, midsuǥù ku zaan sikandan he ke siak te: ‘Pezumdumahi a keniyu, ne egkehimu a he Megbevayè niw ne egkehimu kew he menge etew ku. Pengungubpaan kew te sungkad te menge paaǥi he insuǥù ku keniyu su wey mebmeupiya is kebpekesavuk niw.’

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.