Genesis 22:14 - Manobo Western Bukidnon OT

¹⁴ Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”

Genesis 22:14 ပူးပေါင်းရင်းမြစ်များ

Genesis 22:13

Dutun te nekelilingey si Abraham, ne neehè din is kerehidu he meemahan he nekesanggat is sungey zin diyà te dezeisey he kayu. Ne migkuwa ni Abraham haazà ne impemuhat din he pemuhat he edtutungen ilis te anak din.

Genesis 22:15

Ne zutun mid-uman med-umew is belinsuǥuen te Nengazen he ziyà te langit ki Abraham,

Genesis 22:8

Ne midtavak dutun si Abraham te, “Is Megbevayà, Mama, iyan ebeǥey kenita te nati he kerehidu he egkehimu he ibpemuhat he edtutungen.” Ne midlaus dan en dutun is dezuwa he edhipanew.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Genesis 32:30

Migngezanan haazà ni Jacob he tanà te Peniel, he ke và dà egkeǥiya, “Neehè ku is dagwey te Megbevayà piru uuyag e zed.”

1 Hadì 17:8

Ne zutun migkeǥiyan te Nengazen si Elias te,

Exodus 17:15

Ne mibaal si Moises te pemuhatà he migngezanan din te, “Iyan Bendirè ku te Kezeeǥan is Nengazen.”

Ezekiel 48:35

Umbe is tivuuk he keleyatan duen te verengbeng, ne 9,000 he mitrus, ne puun dutun he timpu haazà is inged egngezanan he “Keniyan is Nengazen!”

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

1 Samuel 29:10

Umbe, te egkepkepawà ne enew ke en duma is menge sakup nu ne ulì kew.”

1 Samuel 7:12

Ne migkuwa si Samuel te vatu ne insavuk din diyà te pid-elangan te Mizpa wey Shen. Migngezanan din heini te Ebenezer su ke sikandin te, “Taman en guntaan is kedtevangi kenitew te Nengazen.”