Genesis 22:12 - Manobo Western Bukidnon OT

¹² Ne migkaǥi is belinsuǥuen te, “Isavuk nu zà heeyan is ubpit! Kenè nu pelii is batà te minsan deisek dà! Netuenan ku en he iyan a is Megbevayà, utew lavew he ebmahalen nu su minsan is anak nu he utew nu minahal, wazè nu isipa he kenè nu ibeǥey kediey.”

Genesis 22:12 ပူးပေါင်းရင်းမြစ်များ

Genesis 20:11

Midtavak si Abraham te, “Mid-ulaula ku heini, su neisip ku is kela ke wazà minsan sevaha kayi he edtahud te Megbevayà, umbe neisip ku is iring kayi su kela ke himetayi a keniyu ne egkuwaan niw is esawa ku.

Genesis 22:13

Dutun te nekelilingey si Abraham, ne neehè din is kerehidu he meemahan he nekesanggat is sungey zin diyà te dezeisey he kayu. Ne migkuwa ni Abraham haazà ne impemuhat din he pemuhat he edtutungen ilis te anak din.

Genesis 22:16

ke sikandin te, “Iyan heini migkaǥi te Nengazen: Ibpenangdù ku kayi te gehinawa ku he edtuvazan ku iyan sikew tenged te wazè nu ikeleǥezi kedì is namànamà he anak nu. Edhimuwen ku he utew medmezakel is menge kevuwazan nu su iring te menge vituen diyà te langit wey iring te menge pantad diyà te veyvey te zaǥat. Egkeveyveyaan dan is menge inged te menge kuntada zan.

Genesis 22:2

Ne migkaǥi zutun is Megbevayà te, “Kuwaa nu is budtung he anak nu he si Isaac he utew nu mibmahal ne hendiyè ka te tanà he Moria. Tekezeg kew zutun te vuvungan he ibpeehè ku kenikew ne ipemuhat nu sikandin kayi te kedì he pemuhat he edtutungen.”

Genesis 26:5

Ebeelan ku heini su mibpezumazuma si Abraham kedì. Midtuman din is langun he menge suǥù wey penurù ku.”

Genesis 42:18

Ne zutun te iketelu he andew migkeǥiyan sikandan ni Jose te, “Duen ebpeveelan ku keniyu wey kew melibri su siak, edtahud a te Megbevayà.

Nehemias 5:15

Piru is menge gubirnedur he nehuna kediey nehimu he peveǥat te menge etew, su kada andew ebuyù dan te egkekaan dan wey egkeinum dan he vinu wey 40 he vuuk he pelata. Minsan is menge upisyal zan mibpehimulus diyà te menge etew. Piru wazè ku mulà haazà beeli, su zuen ku kedtahud te Megbevayà.

Job 1:1

Duen etew he ed-ubpà diyà te tanà he Uz he iyan ngazan din si Job. Metazeng wey wazà igkesawey kandin. Edtahud sikandin te Megbevayà wey ebpeninguhà he kenà mekevaal te mezaat.

Job 28:28

Ne migkaǥi sikandin diyà te menge etew te, ‘Egkehimu he zuen niw ketau wey kedsavut emun edtehuzen niw is Nengazen wey edlikey kew te mezaat he ulaula.’ ”

Job 5:19

Layun ke zin edlibriya te vangkit wey kezeetan.

Salmo 1:6

Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 111:10

Emun egkesuat is etew he mebmetau, kinahanglan he edtahud sikandin te Nengazen. Is langun he edtuman te menge suǥù din ne zuen dan hustu he kedsavut. Ereg sikandin he edeliǥen te wazà pidtemanan.

Salmo 147:11

kekenà, iyan is edtahud kandin wey edsarig te ǥaǥew zin.

Salmo 2:11

Penilbiyi niw is Nengazen duma is kedtahud ne ikelipey niw sikandin.

Salmo 25:12

Nengazen, is menge etew he edtahud kenikew, egiyahan nu wey zan meikul is dalan he ereg he ed-ikulen.

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Exodus 20:20

Ne migkeǥiyan sikandan ni Moises te, “Kenè kew mahandek su ibpeehè dà keniyu te Megbevayà is mekahandekhandek he ǥehem din su wey kew meteǥui te zekelà he kedtahud kandin, su para kenè kew mekesalà.”

Erubasa 1:7

Is kedtahud te Nengazen iyan ebpuunan te hustu he ketau, piru is tulebung he etew kenè din egkesuatan is hustu he ketau, ne kenè din daan egkesuatan he metulid is mezaat he vetasan din.

Megwewali 12:13

Ne ǥuntaan te nevasa nu en heini is langun, ne iyan heini penapus he egkeǥiyen ku kenikew: Tehuza nu is Megbevayà wey tumana nu is menge suǥù din, su iyan heini ketengdanan te kada etew.

Jeremias 19:5

Mibpetukud pa sikandan te menge simbahan he para ki Baal, ne zutun dan ibpemuhat is menge anak dan he pemuhat he edtutungen para kandin. Wazè ku heini isuǥù kandan; wazè ku ganì meisip heini.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Malakias 4:2

Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.

1 Samuel 15:22

Midtavak si Samuel te, “Igkelipey ves te Nengazen is kebpemuhat niw kenà is kebpezumazuma kandin? Meupiya is kebpezumazuma te Nengazen kenà is kebpemuhat. Meupiya pa is kebpemineg kandin kenà is kebpemuhat te menge melambeg ke kerehidu.