Genesis 21:9 - Manobo Western Bukidnon OT

⁹ Ne sevaha he andew, naahà ni Sara si Ishmael (haazà is anak ni Abraham diyà te ki Hagar te Ehiptohanen) is edsudì te anak din he si Isaac.

Genesis 21:9 ပူးပေါင်းရင်းမြစ်များ

Genesis 16:1

Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.

Genesis 16:15

Ne mid-anak si Hagar te maama pinaaǥi ki Abram. Ne haazà is anak din, migngezanan ni Abram ki Ishmael.

Genesis 17:20

Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.

Genesis 21:8

Ne hein malù en dekelà si Isaac, wey hein nelutas en sikandin, midtukud si Abraham te zekelà he keemuran.

2 Cronica 30:10

Midtukid beyai te menge menunudtulà is kada inged diyà te tivuuk he Efraim wey Manase taman te Zebulun, piru mid-engitan dà sikandan wey midsudì te menge etew.

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Job 30:1

“Iyan, guntaan edsudien a te menge etew he menge vetan-en pa kedì, he kenà egkeseriǥan is menge amey zan. Egkeseriǥan pa is menge asu ku he vantey te menge kerehidu ku.

Salmo 22:6

Ebpeel-elezan a wey edsudien a te menge etew, ke sikandan te, “Wazè din pulus; kenà sikandin iring te etew, kekenà, iring sikandin te tagkey.”

Salmo 42:10

Henduen be te nerupet en is menge tulan ku tenged te kebpeel-elezi zan kedì. Egkeǥiyan e zan te, “Hendei en be is Megbevayè nu he edtavang kenikew?”

Erubasa 20:11

Egketuenan ta is betasan te minsan menguhed pa he etew su egkeehè ta ziyà te menge vaal zin, ke metazeng be sikandin etawa kenà.

Erubasa 22:10

Emun ibpaawà diyà te inged is menge etew he sumpalit, egkaawà daan is kebpelewlewanà, kesevaan, wey is kebpein-insultuwà.

Penhulùhulù 1:7

Ne ǥuntaan te edlised is Jerusalem wey egketazintazin en, netenuzan din is langun he ketiǥeyunan din dengan. Hein neulug sikandin diyà te gehem te menge kuntada zin, ne wazà midtavang kandin. Midsudì wey mid-engitan sikandin te menge kuntada zin dutun te kegkezeeti zin.