Genesis 21:8 - Manobo Western Bukidnon OT

⁸ Ne hein malù en dekelà si Isaac, wey hein nelutas en sikandin, midtukud si Abraham te zekelà he keemuran.

Genesis 21:8 ပူးပေါင်းရင်းမြစ်များ

Genesis 19:3

Piru midteǥel sikandan ni Lot, umbe miduma zan diyà te valey zin. Ne mid-andam si Lot te menge inumen wey egkeenen dan, ne mibpevaal zaan sikandin te supas he wazè din tapey, ne midlavung sikandan.

Genesis 21:7

Hentei vuwa is ebpekekaǥi ki Abraham he ebpekepesusu e pa te vatà? Piru nekaanak e pa minsan meǥurang en sikandin.”

Genesis 21:9

Ne sevaha he andew, naahà ni Sara si Ishmael (haazà is anak ni Abraham diyà te ki Hagar te Ehiptohanen) is edsudì te anak din he si Isaac.

Genesis 26:30

Umbe midtukud si Isaac te keemuran para kandan, ne migkaan dan wey nemen-inum dan.

Genesis 29:22

Mid-uyun dutun si Laban, umbe midtukud sikandin te keemuran ne mid-imbita zin is langun he menge meǥinged dutun.

Genesis 40:20

Ne netuman iyan haazà su neketelu pa zutun iyan kedsilibra te ked-enaka te hadì te Ehipto ne midtukud sikandin te keemuran ne impetampu zin is langun he menge upisyal zin. Mid-umew zin is egalen te menge pereuwit te inumen wey is egalen te menge mememaal te supas ne impeetuvang sikandan te menge zuma zan he upisyal.

2 Samuel 3:20

Hein nekeuma si Abner ziyà te Hebron duma is 20 he menge sakup din, migastu si David para kandan.

1 Hadì 3:15

Nepukew si Solomon, ne zutun neisip-isip din he nekidlalag kandin is Nengazen pinaaǥi te teǥeinep. Te kedlikù ni Solomon diyà te Jerusalem, midhitindeg sikandin diyà te etuvangan duen te Kavan te Kebpekid-uyun te Nengazen, ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne midhimu sikandin te keemuran para te langun he menge upisyal zin.

Ester 1:3

Ne hein iketelu en he tuig te kedhadì din, midhimu sikandin te zekelà he keemuran para te menge upisyal zin, wey te zuma pa he ebpenilbi kandin. Midtelavuk daan is menge pengulu te sundaru zutun te Persia wey Media, ne elin daan midtelavuk is dungganen he menge etew wey is menge upisyal ziyà te menge prubinsya.

Salmo 131:2

Kekenà, kuntintu ad wey mibmelinawen ad iring te vatà he midlutas te iney zin he kenè en egkesuat he edsusu.

Hoseas 1:8

Ne hein midlutas en ni Gomer sikan is anak din he si Lo Ruhama, mid-uman sikandin mebmeǥingey ne mid-anak te maama.

Zatù 14:10

Ne midhendiyà is amey ni Samson te valey zuen te egkehimu he ambey zin, ne zutun te valey nengemuran si Samson su vetasan dan he egastu is ebpengesawa.

Zatù 14:12

Migkaǥi si Samson diyà te kandan te, “Duen ibpeentuk ku keniyu. Emun egkeentuk niw te kenè pa egketapus heini is pitu he andew he keemuran, ebeǥayan ku sikiyu te 30 he lukut he manggad he linu wey 30 he mahalen he menge visti.

1 Samuel 1:22

Piru si Hana wazà meduma. Migkeǥiyan din is esawa zin te, “Emun egkelutas en heini is batà, ne ed-uwiten ku sikandin diyà te valey te Nengazen ne idhalad ku ziyà te kandin, ne ziyè en sikandin ed-ubpà te tivuuk he untung din.”

1 Samuel 1:24

Hein nelutas en kes batà, mid-uwit ni Hana ziyà te valey te Nengazen diyà te Shilo. Mid-uwit daan sikandin te tudu he vaka he tetelu en he tuig, wey herina he tengà te saku, wey binu he ziyà itaǥù te lundis he teleǥuey.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.