Genesis 21:6 - Manobo Western Bukidnon OT

⁶ Ne migkaǥi si Sara te, “Midhimu human te Megbevayà he mekeengit a te kegkelipey ne ebpekeengit daan te kegkelipey is minsan hentei he egketudtulan mehitenged kayi.

Genesis 21:6 ပူးပေါင်းရင်းမြစ်များ

Genesis 17:17

Ne zutun midlangkeb en maan si Abraham diyà te tanà, ne mid-engit su ke sikandin diyà te ǥehinawa zin te, “Egkehimu ves he egkevuwad a, is maama he 100 en is penuiǥen din? Ne egkehimu ves daan he ed-anak si Sara is 90 en is penuiǥen din?”

Salmo 113:9

Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak. Deliǥa is Nengazen!

Salmo 126:2

Nemen-engit kiw wey migkanta kiw te kegkelipey. Ne zutun migkaǥi is menge etew ziyà te zuma he menge nasyun te, “Mibaal is Nengazen diyà te kandan te menge vaal he nezumahan te zekelà he ǥehem.”

Isaias 49:15

Iyan, midtavak is Nengazen te, “Egkelipatan be te iney is anak din? Kenè din be egkehizuwan is batà he in-anak din? Minsan egkelipatan din, ne kenè ku mulà sikiyu egkelipatan!

Isaias 49:21

Ne egkaǥi ka ziyà te gehinawa nu te, ‘Hentei ves is mid-anak kandan para kediey? Neǥerà is mahabet he menge etew ku, ne tenged kayi neseeng a. Is duma kandan mibihag pehendiyà te zuma he lugar, ne sebsevaha ku zà te nesamà. Ne hendei heini sikandan ebpuun? Hentei is mid-anak-anak kandan?’ ”

Isaias 54:1

Migkaǥi is Nengazen te, “Kanta ka, Jerusalem, is iring te vahi he kenà ebpekaanak. Kanta ka wey derag-ey ka te kegkelipey, is wazè pa mekesaǥad te velilit. Su minsan mid-ewaan ka te esawa nu, egkehimu he mahabet pa is kenikew he menge anak kenè te vahi he wazà ewai te esawa zin.

Jeremias 20:15

Midrewakan ku is etew he migkaǥi ziyà te amey ku te, “Maama is anak nu!” he utew ingkelipey te amey ku.

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.