Genesis 21:20 - Manobo Western Bukidnon OT

^20-21 Ne midtuvazan te Megbevayà haazà is batà ne midekelà, ne ziyà med-ubpà te sibsivayan te Paran. Nehimu sikandin he mememanà. Ne zutun impeesawa sikandin te iney zin te vahi he Ehiptohanen.

Genesis 21:20 ပူးပေါင်းရင်းမြစ်များ

Genesis 10:9

Nevantug si Nimrod he mengenganup tenged te intuǥut haazà kandin te Nengazen. Ne tenged dutun, duen layun dan egkekaǥi zengan he ke sikandan te, “Iring ki Nimrod is utew nevantug he mengenganup su iyan intuǥut kandin te Nengazen.”

Genesis 16:12

Ne heini is anak nu, iring sikandin keuzemà te asnu he leew su kenà ebpevayàbayà te minsan hentei. Ebpekigkuntada sikandin te minsan hentei ne egkuntedahan daan sikandin te langun. Minsan is langun he menge kezuzumahi zin, egkuntedahan din pa.”

Genesis 17:20

Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.

Genesis 25:27

Ne hein midekelè en haazà is menge vatà, utew metau si Esau he ebpenuǥes, ne layun sikandin egketalus. Ne si Jacob mulà ne mevented, diyè dà sikandin te menge tulda ed-ubpàubpà su perevantey te uyaǥen.

Genesis 27:3

Kuwaa nu is panè nu, ne hendiyè ka te unayan ne penuǥesi a ziyà.

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

Genesis 39:21

midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

Zatù 6:12

Ne mibpaahà ki Gideon is belinsuǥuen te Nengazen ne migkaǥi te, “Sikew is mevurut wey mezesen he etew, duma nu is Nengazen.”