Genesis 21:1 - Manobo Western Bukidnon OT

¹ Midtentenuzan te Nengazen is migkaǥi zin he edhimuwen din diyà te ki Sara sumalà is insaad din.

Genesis 21:1 ပူးပေါင်းရင်းမြစ်များ

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 17:19

Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 17:21

Piru haazà is kebpekid-uyun ku kenikew, ibpelaus ku zaan diyà te anak nu he si Isaac he id-anak ni Sara seled te senge tuig pa ǥuntaan.”

Genesis 18:10

Ne zutun migkaǥi is Nengazen te, “Senge tuig pa ǥuntaan, edlikuan ku sikiyu ne zutun he timpu, si Sara, is esawa nu, id-anak din is maama.” Ne ziyà si Sara te ǥemawan te valey he egkeiniyuǥan dan is ebpemineg te vitiyara zan.

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Genesis 24:36

Minsan meritan en si Sara is esawa zin, ne nekaanak pa sikandin. Ne heini is anak dan he maama iyan ebpekepenunud te langun he menge azen din.

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

2 Hadì 4:17

Piru mibmeǥingey iyan haazà is bahi, ne mid-anak sikandin te maama hein sunud he tuig, sumalà is nekaǥi ni Elisha.

Salmo 106:4

Nengazen, elin a kenikew tentenuzi emun edtevangan nu is menge etew nu; ne libriya a zaan ke edlibriyen nu sikandan,

Salmo 12:6

Egkeseriǥan utew is menge saad te Nengazen. Iring heini te pelata he ebpekesarig ki he lunsey heini su kepipitu ipaaǥi ziyà te hapuy para maawà is menge sahug din.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Exodus 3:16

“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.

Exodus 4:31

ne midtuu sikandan. Ne hein netuenan dan he igkeseeng sikandan te Nengazen wey naahà te Nengazen is kemeresayan dan, midluhud sikandan te ked-azap kandin.

Ruth 1:6

Hein netuenan ni Naomi he edtentenuzan te Nengazen is menge etew zin pinaaǥi te kebeǥayi zin kandan te meupiya he sebpet, ne mibpenines sikandin wey ambey zin su edlikù dan diyà te Juda.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 2:21

Nehizuwan te Nengazen si Hana. Nekaanak pa sikandin te menge maama he tetelu wey dezuwa he vahi. Ne si Samuel mulà, pedayun he midekelà diyà te etuvangan te Nengazen.