Genesis 20:5 - Manobo Western Bukidnon OT

⁵ Migkeǥiyan a ni Abraham he etevey zin si Sara, ne si Sara zaan migkeǥiyan e zin he meemahan din si Abraham. Angin ke netuenan ku he esawa zin su wazè ku pezem kuwaa si Sara, iyan, wazè ku metueni.”

Genesis 20:5 ပူးပေါင်းရင်းမြစ်များ

Genesis 12:13

Keǥiya nu he etevey ku sikew su wey e zan mepurungi tenged kenikew ne kenè e zan edhimetayan tenged te etevey ku sikew.”

Genesis 20:13

Hein migkeǥiyan a te Nengazen he med-awà a ziyà te inged te amey ku, migkeǥiyan ku si Sara he ipekilala zin he telesuled key minsan hendei key mekepevayà. Pinaaǥi kayi igkepeehè din is dekelà he gaǥew zin kedì.”

Genesis 20:16

Ne migkeǥiyan din si Sara te, “1,000 he vuuk he pelata is ibeǥey ku ziyà te meemahan nu. Iyan heini ibpayùpayù ku keniyu su wey metueni te langun he menge zuma niw he wazà a mekesalà wey wazè ka mekepehilavet kedì.”

1 Hadì 9:4

Ne sikew, emun ebpengungubpaan ka he egkeseriǥan wey metazeng diyà te etuvangan ku iring te amey nu he si David, ne ebeelan nu is langun he ebpeveelan ku kenikew wey edtumanen nu is ibeǥey ku he menge sulunuzen wey menge suǥù,

2 Hadì 20:3

Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.

1 Cronica 29:17

He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey.

Job 33:9

‘Wazè ku salà; lumpiyu a wey wazè ku salà.

Salmo 24:4

Iyan sikan is meupiya is ulaula zin wey lumpiyu is isip din, wazà med-azap te zuma he menge ed-ezapen, wey kenà tarù is penangdù din.

Salmo 25:21

Metazeng a wey wazà igkesawey kediey; umbe iyan ke en metau he kenà a mekeizi. Edsarig e zà kenikew.

Salmo 26:6

Edlùluan ku is menge velad ku he tuus te wazè ku salà. Ne edhendiyà a te pemuhatà he zutun ka ebpemuhata su ed-azap a kenikew, Nengazen.

Salmo 7:8

Iyan ka, Nengazen, edhukum te menge etew. Ipeehè nu he wazè ku salà, su netuenan nu man he metazeng a ne wazè ku mibeelan he mezaat.

Salmo 7:9

Kenè nu ituǥut he ebpedayun is ulaula te mezaat he menge etew, ne tuvazi is menge metazeng, su metazeng ke man he Megbevayà, wey egkesusi nu is isip dey wey gehinawa zey.

Salmo 73:13

Tenged kayi wazè ku maahà is pulus te kedtinazeng ku wey kedlikey ku te salà.

Salmo 78:72

ne tinutuuwà is ked-etura zin te menge tig-Israel ne mibpurungan din sikandan penguluwi.

Erubasa 11:3

Is etew he metazeng, egketuenan din ke hengkey is ereg he ebeelan din su hustu man is paaǥi zin, piru is etew he edlimbung, egkezeetan su kenà hustu is paaǥi zin.

Erubasa 20:7

Is etew he metazeng kenà egkesewayan is menge ulaula zin. Deyzey is menge anak te etew he metazeng su ketazeng is egkelingehè dan.

Daniel 6:22

Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”

Josue 22:22

“Is Nengazen iyan sikan is Mekeǥeǥehem he Megbevayà! Netuenan din ke maan is mibeelan dey heini, ne ereg daan heini he egketuenan niw. Emun iyan imbeeli zey kayi is kebpekidsukulà etawa kedsupak te Nengazen, ne kenè kew en tuǥut he meuyag-uyag key pa ǥuntaan he andew.