Genesis 20:16 - Manobo Western Bukidnon OT

¹⁶ Ne migkeǥiyan din si Sara te, “1,000 he vuuk he pelata is ibeǥey ku ziyà te meemahan nu. Iyan heini ibpayùpayù ku keniyu su wey metueni te langun he menge zuma niw he wazà a mekesalà wey wazè ka mekepehilavet kedì.”

Genesis 20:16 ပူးပေါင်းရင်းမြစ်များ

Genesis 20:17

Tenged te kegkuwaa ni Abimelec ki Sara, mibpengelinteuwan te Megbevayà he kenà mekaanak is langun he menge vahi zutun te valey zin. Umbe mid-ampù si Abraham diyà te Megbevayà, ne mibpengelinteuwan te Megbevayà he meulii si Abimelec te zaru zin wey is esawa zin wey is menge uripen din he vahi su wey zan mekeuman mekaanak.

Genesis 20:5

Migkeǥiyan a ni Abraham he etevey zin si Sara, ne si Sara zaan migkeǥiyan e zin he meemahan din si Abraham. Angin ke netuenan ku he esawa zin su wazè ku pezem kuwaa si Sara, iyan, wazè ku metueni.”

Genesis 24:65

ne mid-insaan din sikan is suluǥuen ni Abraham te, “Hentei haazà is edsinuǥung kenitew?” Ne midtavak haazà is suluǥuen te, “Egalen ku sikandin he si Isaac.” Ne zutun migkuwa ni Rebeka is lembung din ne midtembunan din is dagwey zin.

Genesis 26:11

Ne zutun impesavut ni Abimelec is langun he menge sakup din. Ke sikandin te, “Is minsan hentei he ebaal te kenà meupiya kayi te maama wey te esawa zin ne edhimetayan.”

Erubasa 12:1

Is etew he egkesuat he ibperangka ziyà te kandin is sayep din egkesuat he egkehimu he uluwanen, iyan, is etew he paglung ne egkeepes emun egkeǥiyen diyà te kandin is menge sayep din.

Erubasa 25:12

Is kedawey te etew he uluwanen te etew he egkesuat he ebpemineg mahal pa heini kenà te elahas he vulawan.

Erubasa 27:5

Deyzey pa is kedawey te egkesayep diyà te etuvangan te sevaha he etew kenà ke egkaǥi ka te, igkeǥaǥew nu sikandin piru ebey-anan nu zà sikandin.

Jonas 1:6

Ne midhendiyà te kandin is kepitan dutun te varku. Ke sikandin te, “Maan is iyan nu zà is kedlipezeng nu? Enew ka, wey medhangyù diyà te kenikew he ed-ezapen. Su kela ke mehizuwi kiw zin ne kenè kiw zed egkeǥerà.”