Genesis 2:9 - Manobo Western Bukidnon OT

⁹ Ne zuen menge kayu he impetuvù dutun te Nengazen he Megbevayà. Utew meupiya he ed-ahaan haazà is menge kayu ne meupiya zaan he egkeenen is menge veǥas dan. Ne zutun te teliwazà duen te pemuleey impetuvù din daan is kayu he ebpekeveǥey te untung wey is kayu he ebpekeveǥey te kegketau te meupiya wey mezaat.

Genesis 2:9 ပူးပေါင်းရင်းမြစ်များ

Genesis 2:17

iyan, sikan is beǥas te kayu he ebpekeveǥey te kegketau te meupiya wey mezaat, utew kinahanglan he kenè nu heeyan keena. Su zutun dà te kegkaan nu keniyan te veǥas din kenà duwazuwa he ebpatey ka.”

Genesis 3:22

Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.”

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

Genesis 3:3

iyan, haazà is beǥas te kayu he ziyà te teliwazà te pemuleey. Indawey kenami te Megbevayà su ke sikandin te, ‘Kenè niw heeyan keena etawa minsan is kedsenggira zà duen. Su emun egkeenen niw heini ne ebpatey kew.’ ”

Genesis 3:5

su netuenan en te Megbevayà he zutun dà te kegkeena niw zuen, egkehimu kew he utew metau ne ebpekeiring kew te Megbevayà su egketuenan niw is meupiya wey mezaat.”

Erubasa 11:30

Is rimeǥas te menge ulaula te etew he metazeng, igkepetug-iring te kayu he ebpekeveǥey te untung, ne is ed-ul-ulahan te etew he metau ibpenurù din diyà te menge etew is paaǥi te hustu he kebpengungubpaan.

Erubasa 3:18

Utew zeyzey is etew he edtulung ebpepenurù su wey mebmetau; is ketau ebpekelipey kandin wey ebpekepeluǥayad te untung din.

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.

Isaias 47:10

Minsan lalung ka ne kunaan nu ke wazà ebpekezezaat kenikew su wazà nekaahà kenikew zutun te kedlalunglalung nu. Is ketau wey keuluwanen nu iyan neketazin kenikew, wey midsuǥù kenikew te kegkaǥi te, ‘Iyan a Megbevayà, ne wazè en duma gawas kediey.’

Ezekiel 31:16

Egkerkeren tenged te kegkahandek is menge etew ziyà te menge nasyun emun egkezineg dan en is guǥumangkul te kegkezeeti zutun te kayu, emun ed-uwiten en diyà te lugar te menge minatey duma te nemematey he menge etew. Ne is langun he menge kayu ziyà te Eden wey is langun he meupiya wey mekempet he menge kayu ziyà te Lebanon he nekepurung mekesupsup te wahig, edlipey zan diyà te zizalem te tanà.

Ezekiel 31:18

“Sikew is hadì te Ehipto, wazà kayu ziyà te Eden he ebpekerepeng te kekempet nu wey kegkemekeǥeǥehem nu. Piru id-ulug ka zaan diyà te zizalem te tanà duma te menge kayu ziyà te Eden. Dutun egkezuma nu is menge etew he nemematey te tebek he wazà medtuu te Megbevayà. “Iyan heini egkehitavù te hadì te Ehipto wey te menge etew zin. Iyan a, is Nengazen he MEGBEVAYÀ, is migkaǥi kayi.”

Ezekiel 47:12

Edtuvù diyà te pesikilizà duen te wahig he edtudà is nekedseselekawà he menge kayu he ebpemeǥas. Kenà egkeǥangu is menge zahun dan wey kenà egkaamin is menge veǥas dan. Ebpemeǥas heini kada vulan su edtudaan man duen te wahig he ebpuun diyà te valey te Nengazen. Egkekaan is menge veǥas dan ne igkevawi is menge zahun dan.”

Deuteronomio 6:25

Ne emun ebpurungan tew te edtuman heini is langun he suǥù te Nengazen he Megbevayè tew, sumalà te inmandù din kenitew, ne egkehimu kiw he metazeng diyà te etuvangan din.’