Genesis 2:7 - Manobo Western Bukidnon OT

⁷ Ne zutun midlimbag te Nengazen he Megbevayà is etew, ne iyan inlimbag din dutun is eliyavuk he ebpuun dini te tanà. Ne inhiyup din dutun te izung duen te etew is kandin en he ǥehinawa he ebpekeuyag, ne zutun nehimu is etew he linimbag he ebpekeǥeǥehinawa.

Genesis 2:7 ပူးပေါင်းရင်းမြစ်များ

Genesis 1:27

Ne midlimbag dutun te Megbevayà is menusiyà he iring kandin. Midhimu zin sikandan he mekeiring kandin te Megbevayà. Maama wey vahi is midlimbag din.

Genesis 2:6

Dutun he timpu zuen gapun he ebpuun te tanà ne pinaaǥi zutun egkahames is tivuuk he tanà.

Genesis 3:19

Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”

Genesis 3:23

Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.

Genesis 7:22

Mibpatey zutun is minsan hengkey he egeǥehinawa he ed-ubpà dini te tanà.

Job 27:3

iyan penangdù ku is: mintras egeǥehinawa e pa, ne idtuǥut pa kedì te Megbevayà is kegkeuyag-uyag,

Job 33:4

Mulin-ulin te Mekeǥeǥehem he Megbevayà iyan mibaal kedì wey iyan mibeǥey kedì te untung.

Job 33:6

Iring a kenikew ziyà te etuvangan te Megbevayà. Mibpurma a zaan he ebpuun diyà te tanà.

Job 4:19

ne iyan pe be is menge etew he tanè dà is mibpuunan te kedlimbaǥa zuen, ne melemu zà he edrunteken iring te menge zezeizey he keranapranap!

Salmo 100:3

Kilelaa niw he Megbevayà is Nengazen! Iyan sikandin midlimbag kenitew, ne ǥaked kiw zin. Menge etew kiw zin ne iring kiw te menge kerehidu he mid-elimahan din.

Salmo 103:14

Su netuenan din ke mibmenumenu kiw zin te ebaal. Ne edtentenuzan din he mibeelan kiw zin he ebpuun diyà te eliyavuk.

Erubasa 20:27

Is isip ta ne egamiten te Nengazen wey mereyaǥi is untung ta, ne pinaaǥi kayi egkesusi ta is keugelingen ta.

Megwewali 12:7

Edlikù ka ziyà te tanà he iyan mibpuunan nu, ne sikan is gehinawa he mibeǥey kenikew te untung ne edlikù diyà te Megbevayà he iyan mibeǥey kayi.

Megwewali 3:7

duen timpu te kebindas wey timpu zaan te kedapi, duen timpu te kebpereremek wey timpu zaan te kegkaǥi,

Isaias 2:22

Kenè kew sarig te etew su ebpatey heini. Ne wazè kayi igketavang.

Isaias 64:8

Piru minsan pa te iyan heeyan, iyan ka gihapun Amey zey, Nengazen. Iring ka te mendiziyun, ne sikami iring te vasak. Iyan ka mibaal kenami te langun.

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

Ezekiel 37:5

Su siak, is Nengazen he MEGBEVAYÀ, egkeǥiyan ku sikandan te, ‘Ebeǥayan ku sikiyu te ǥehinawa ne egkeuyag kew.

Ezekiel 37:6

Ebeǥayan ku sikiyu te menge uǥat wey menge sapù, ne edtengesen ku sikiyu te lundis. Ebeǥayan ku sikiyu te ǥehinawa ne egkeuyag kew. Ne egketuenan niw he iyan a Nengazen.’ ”

Zacarias 12:1

Iyan heini menge lalag te Nengazen mehitenged te Israel: “Iyan a Nengazen he mibaal te langit wey kelibutan, wey mibeǥey te untung diyà te etew.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 27:16

“He Nengazen, Megbevayè ka he iyan ebpuunan te untung te langun he etew, deyzey ke ebpilì ka te etew he ebpekepengulu kayi te menge etew,