Genesis 2:4 - Manobo Western Bukidnon OT

⁴ Iyan heini sikan is keguǥuza te kedlimbaǥa zengan te langit wey kelibutan. Dengan hein midlimbag te Nengazen he Megbevayà is langit wey kelibutan,

Genesis 2:4 ပူးပေါင်းရင်းမြစ်များ

Genesis 1:1

Diyà te puunà midlimbag te Megbevayà is langit wey is kelibutan.

Genesis 1:28

Ne midtuvazan sikandan te Megbevayà ne migkeǥiyan din sikandan te, “Mevuwad kew ne mebmehabet kew su wey niw meeneb is kelibutan. Iyan kew mebayàbayà dini te tanà. Iyan kew mebayàbayà te menge isdà diyà te zaǥat wey te menge tagbis he ebpemenlayang diyà te hewhewanan wey te menge linimbag he egeǥehinawa he edhipanew zini te tanà.”

Genesis 1:3

Ne migkaǥi zutun is Megbevayà te, “Mehimu is kerayag!” Ne nehimu en dutun is kerayag.

Genesis 1:31

Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Genesis 1:4

Ne naahà te Megbevayà he meupiya haazà is kerayag, ne impedsivey zin is kerayag wey is kerusireman.

Genesis 10:1

Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.

Genesis 11:10

Iyan heini guǥud mehitenged te pemilya ni Shem. Hein menge dezuwe en he tuig puun dutun te timpu te kegkeiwas en te kedlapey te zaǥat, 100 en is penuiǥen ni Shem, ne zutun nevuwad sikandin ki Arfaxad.

Genesis 2:3

Ne midtuvazan te Megbevayà is ikepitu he andew ne migkaǥi zin daan he segradu haazà su midhimeley sikandin dutun te kedlimbaǥa zin te langun.

Genesis 25:12

Iyan heini guǥud mehitenged te pemilya ni Ishmael he anak ni Abraham diyà te ki Hagar he Ehiptohanen, he uripen ni Sara.

Genesis 25:19

Iyan heini guǥud mehitenged te pemilya ni Isaac he anak ni Abraham.

Genesis 36:1

Iyan heini guǥud mehitenged te pemilya ni Esau (he egngenazan daan te Edom).

Genesis 36:9

Iyan heini guǥud mehitenged te pemilya ni Esau he iyan kepuun te menge Edomanhen he meǥinged diyà te menge vuvungan he Seir.

Genesis 5:1

Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

1 Hadì 18:39

Ne hein naahà haazà te langun he menge etew zutun, midlangkeb dan is egkaǥi te, “Is Nengazen, iyan Megbevayà! Is Nengazen iyan Megbevayà!”

2 Cronica 20:6

Ne migkaǥi te, “He Nengazen, Megbevayà te menge kepuun dey, iyan ka kes Megbevayà he ziyà te langit. Iyan ka mibayàbayà te langun he ginhedian kayi te kelibutan. Gemhanan ka ne wazà ebpekesukul kenikew.

Job 38:28

Hentei is ebpuunan te uzan, wey zehemug,

Job 38:4

Hendei ka hein mibeelan ku is pundasyun te kelibutan? Keǥiya nu kediey ke zuen nu netuenan.

Salmo 18:31

Iyan ke zà, Nengazen, kes Megbevayà; kes endilungè dey he vatu.

Salmo 86:10

Su mekeǥeǥehem ka, ne egkein-inuwan is menge vaal nu; iyan ke zà Megbevayà.

Exodus 15:3

Beǥani is Nengazen; Nengazen is ngazan din.

Exodus 6:16

Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.

Isaias 44:6

“Iyan heini egkeǥiyen te Nengazen, kes hadì wey Menluluwas te Israel, he Mekeǥeǥehem he Nengazen: Iyan a kes nehuna wey egkepengkusan te langun. Wazè en duma he Megbevayà gawas kediey.