Genesis 2:12 - Manobo Western Bukidnon OT

¹² Lunsey he vulawan is ebpuun dutun, ne zuen daan dutun sikan is mahalen he pehemut he bidilyum wey zuen daan dutun menge mahalen he vatu he uniks.

Genesis 2:12 ပူးပေါင်းရင်းမြစ်များ

Genesis 2:11

Is ngazan te nehuna he wahig ne Pishon. Iyan haazà sikan is wahig he ziyà edtudà te tivuuk he tanà he Havila he zutun duen egkaahà he vulawan.

Genesis 2:13

Is ngazan dutun te ikezuwa he wahig ne Gihon. Diyà heini edtudà te tivuuk he tanà he Cush.

Job 28:16

Kenà ebpekerepeng te vali kayi is bali te lunsey he vulawan etawa mahalen he menge vatu he uniks wey sapiru.

Exodus 25:7

wey vatu he uniks wey zuma pa he mahalen he menge vatu he para ibpemikit duen te ipud wey zuen te teleǥuey ziyà te kumeng kayi.

Exodus 28:20

ne ikeepat he linya, krisulitu, uniks, wey haspir. Ibpemezivavew heini ziyà te selevukà he vulawan he para te ebpezivevawan duen.

Exodus 39:13

ne ikeepat he linya, krisulitu, uniks, wey haspir. Ne impikit dan heini ziyà te selevukà he vulawan.

Ezekiel 28:13

Diyè ke zengan te Eden, he pemuleey te Megbevayà. Mideyzeyanan ka te nekedseselekawà he kelasi te mahalen he menge vatu: rubi, tupasyu, ismiralda, krisulitu, uniks, haspi, sapiru, turkisu, wey biril. Mideyzeyanan ka zaan te vulawan he in-andam en dutun te andew te kedlimbaǥa kenikew.

Numero 11:7

Is ‘manna’ henduen be te dezeisey he menge lisu ne meputì heini.