Genesis 19:9 - Manobo Western Bukidnon OT

⁹ Piru nasì dan medtavak te, “Lumelengyawè ke zà dini, hentei ka is uvag en ebpelavetlavet kenami. Awè ka keniyan! Kela ke tuwas pa he mezaat is ed-ul-ulahan dey kenikew kenà kandan.” Ne zutun insinumag dan si Lot, ne ed-uvey zan en pezem duen te ǥemawan su egkebrahan dan is lekeb kayi.

Genesis 19:9 ပူးပေါင်းရင်းမြစ်များ

Genesis 11:6

Migkaǥi sikandin te, “Heini he menge etew, nesevaha zan wey sevaha zà is kineǥiyan dan. Ne heini is mibeelan dan ne puunè pa heini. Kenà egkeuǥet ne ebeelan dan is minsan hengkey he egkesuatan dan.

Genesis 13:12

Ne si Abram, diyà sikandin med-ubpà te tanà he Canaan; ne si Lot mulà, diyà sikandin med-ubpà te menge inged diyà te menge suǥud he uvey te Sodom ne zutun ne ziyè din benguna is menge tulda zin.

Exodus 2:14

Ne migkaǥi haazà is etew te, “Hentei is mibeǥey kenikew te ketenged te kedatùdatù kayi te kenami? Edhimetayan e ve kenikew iring te kedhimetayi nu zuen te tig-Ehipto?” Ne nahandek si Moises te kegkezineǥa zin dutun su netuenan din he zuen bes netau zuen te mibeelan din.

Erubasa 14:16

Is etew he uluwanen, ne ed-empingan din is keugelingen din ne edlikey sikandin te samuk, piru is tulebung, melemu egkepauk ne ebeyveyanan din is hustu.

Erubasa 17:12

Piligru pa is kebpekesinuǥung te engey kenà is kebpekesinugung te bir he ed-uraingen tenged te veǥu pa he midawi te sengelelanggam is menge anak din.

Erubasa 27:3

Meveǥat is batu wey meveǥat daan is pantad, iyan, edhuna pa he meveǥat is samuk he egkehimu he rimeǥas te kelelalung te menge tulebung diyà te kenikew.

Megwewali 10:13

Kebpuun din kegkaǥi ne tinulebung en is menge ebpengeǥiyen din, ne emun ebpengkusen din en is menge lalag din ne mezaat en is ebpengeǥiyen din, ne henduen be sikandin te ebuneǥen en.

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Isaias 65:5

Egkeǥiyan dan is duma te, ‘Kenè ka uvey kediey su kela ke meremeriki a kenikew. Lumpiyu a kenà sikew!’ Heini he menge etew layun dan edhimuwa he mepauk a. Is pauk ku kandan iring te egkeregreg he hapuy seled te tivuuk he andew.”

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Jeremias 6:15

Neeled dan be tenged te utew mezaat he vetasan dan? Wazà! Su wazè dan en keelezan, minsan deisek! Umbe egkezeetan daan sikandan iring te kezekelan. Egkezeetan sikandan dutun te timpu te kedsiluti ku kandan. Iyan a, is Nengazen, is migkaǥi kayi.”

Jeremias 8:12

Ingkeeled dan be haazà is utew mezaat he vaal zan? Wazà! Su wazè dan en keelezan! Umbe ebpematey sikandan iring te zuma he menge etew. Ebpematey sikandan dutun te timpu te kedsiluti ku kandan. Iyan a, is Nengazen, is migkaǥi kayi.

Ezekiel 16:49

Is salà te suled nu he Sodom iyan is kebpelavew. Dekelà is keenen din wey is menge anak din he vahi wey meupiya is ked-ubpè din, piru wazè din tevangi is menge pubri.

1 Samuel 17:44

Ne migkaǥi sikandin te “Uvey ka kayi, su ibpekaan ku is lawa nu he minatey te menge tagbis wey memevurut he langgam!”

1 Samuel 2:16

Emun egkaǥi is nemuhat he edteǥazan dèpa he ikepemuhat kes tavà te usa ne human din pa egkekuwa is egkesuatan din, iyan heini egkeǥiyen din, “Kenà egkehimu. Kinahanglan he iveǥey nu en guntaan, su emun kenà, ne ed-eǥawen ku heeyan diyà te keniyu.”

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”