Genesis 19:34 - Manobo Western Bukidnon OT

³⁴ Ne hein nepawà, migkaǥi haazà is kakey ziyà te hazi zin te, “Geina te mezukilem, iyan a midhulid ki amà. Kengkuwan te mezukilem edlenguten te en maan sikandin, ne iyan kad maan hulid kandin su wey zuen te zed kevuwazan pinaaǥi te amey ta.”

Genesis 19:34 ပူးပေါင်းရင်းမြစ်များ

Genesis 19:33

Ne zutun he kezukileman, midlangut dan is amey zan, ne mibpekidhulid haazà is kakey te amey zan. Tenged te utew nelangut si Lot, wazè din metueni haazà is neulaula.

Genesis 19:35

Umbe, zutun he kezukileman, midlangut dan en maan is amey zan, ne iyan maan haazà is hazi mibpekidhulid te amey zan. Tenged te utew nelangut si Lot, wazè din metueni is neulaula.

Isaias 3:9

Is dagwey zan midtistiǥus te ebpekesuǥat kandan. Utew keladu is kebaal zan te salà iring te mibeelan te menge tig-Sodom. Wazè dan heini ieles. Mekehizuhizu sikandan! Iyan dan mismu mid-uwit te kandan he kezeetan.

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Jeremias 6:15

Neeled dan be tenged te utew mezaat he vetasan dan? Wazà! Su wazè dan en keelezan, minsan deisek! Umbe egkezeetan daan sikandan iring te kezekelan. Egkezeetan sikandan dutun te timpu te kedsiluti ku kandan. Iyan a, is Nengazen, is migkaǥi kayi.”

Jeremias 8:12

Ingkeeled dan be haazà is utew mezaat he vaal zan? Wazà! Su wazè dan en keelezan! Umbe ebpematey sikandan iring te zuma he menge etew. Ebpematey sikandan dutun te timpu te kedsiluti ku kandan. Iyan a, is Nengazen, is migkaǥi kayi.