Genesis 19:3 - Manobo Western Bukidnon OT

³ Piru midteǥel sikandan ni Lot, umbe miduma zan diyà te valey zin. Ne mid-andam si Lot te menge inumen wey egkeenen dan, ne mibpevaal zaan sikandin te supas he wazè din tapey, ne midlavung sikandan.

Genesis 19:3 ပူးပေါင်းရင်းမြစ်များ

Genesis 19:2

“Edhengyuan ku sikiyu, menge zatù, tuluy kew pa ziyà te valey ku te suluǥuen niw. Penlùlui niw is menge paa niw wey hulavung kew pa. Keeselem kew en laus te hipenawan niw.” Ne midtavak sikandan te, “Maambe en su zini key zà edhulavung te pelasa.”

Genesis 21:8

Ne hein malù en dekelà si Isaac, wey hein nelutas en sikandin, midtukud si Abraham te zekelà he keemuran.

Genesis 24:31

Migkeǥiyan sikandin ni Laban te, “Iyan ke ves is midtuvazan te Nengazen. Maan is kayi ke zà edhithitindeg? Laus ka ziyà te valey zey, su mid-endaman dey en sikew te edhizeǥaan nu wey lugar para te menge kemilyu nu.”

Genesis 26:30

Umbe midtukud si Isaac te keemuran para kandan, ne migkaan dan wey nemen-inum dan.

2 Hadì 4:8

Ne sevaha he andew, midhendiyà si Elisha te Shunem. Ne zuen dutun sepian he vahi he midhinggat kandin te kegkaan. Ne puun dutun emun edsaǥad si Elisha ziyà te Shunem, ne edtuluy sikandin diyà te valey zuen te vahi su egkaan.

Exodus 12:15

Ne iyan heini ibpeulaula ku keniyu: Kinahanglan he kenè niw edtepayan is supas he egkeenen niw seled te pitu he andew. Umbe kinahanglan he id-awè niw is tapey ziyà te menge valey niw zutun te egkehuna he andew. Su is minsan hentei keniyu he egkaan te midtepayan puun dutun te egkehuna he andew pehendiyà te ikepitu he andew ne ed-isipen sikandin he kenà ragkes te kevuwazan ni Israel.

Exodus 12:39

Pinaaǥi zuen te uwiten dan he minasa he herina he wazè en metepayi, nekevaal sikandan te supas he wazè din tapey. Wazà haazà metepayi is minasa zan su geina te egkezeǥusu sikandan su edsegseǥen en sikandan te menge Ehiptohanen.

Zatù 6:19

Mid-ulì si Gideon ne midhilutù sikandin te nati he kambing, wey mibaal te supas he wazè din tapey he tengà te saku he harina. Ne hein ingketaǥù din en te baskit sikan is usa wey ingketaǥù din en diyà te kuzen is savew kayi, ne mid-uwit din haazà is keenen diyà te velinsuǥuen te Nengazen he ziyà te sihung te kayu he ulayan.

1 Samuel 28:24

Ne midlapà dutun te vahi is impelambù din he turiti he vaka. Ne migkuwa te herina ne mibmasa zin ne midlutù sikandin te supas he wazè din tapey.