Genesis 19:22 - Manobo Western Bukidnon OT

²² Sigi, pelaǥuy kew. Hendiyan kew en, su wazà egkehimu ku taman te kenè kew pa ebpekeuma zutun.” Ne tenged dutun, egngezanan haazà is inged te Zoar, he ke và dà egkeǥiya, “Deisek.”

Genesis 19:22 ပူးပေါင်းရင်းမြစ်များ

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Genesis 14:2

Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.

Genesis 19:21

Ne midtavak dutun is belinsuǥuen te, “Uya, egkehimu; idtuǥut ku heini is hangyù nu. Kenè ku en edèdeetan haazà is inged he egkeǥiyen nu.

Genesis 19:23

Ne hein midsilè en is andew nekeume en ensi Lot diyà te Zoar.

Exodus 32:10

Ne ǥuntaan bey-ani e en kenikew su nepeukan ku en sikandan ne edèdeetan ku en sikandan. Ne iyan ke zà wey is menge kevuwazan nu edhimuwen ku he ventuǥan he nasyun.”

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Isaias 65:8

Migkaǥi zaan is Nengazen, “Wazà dèdeeti is mezaat he rupung dutun te menge paras su zuen pa zutun beǥas he egkepulusan, ne iring keniyan is ebeelan ku te menge etew ku, kenè ku zaan ed-eminen te edezaat is langun he menge etew ku. Edlibriyen ku is menge nenilbi kediey.

Jeremias 48:34

Is erang te menge tig-Heshbon taman en is kegkezineǥa zuen diyà te Eleale wey Jahaz. Is erang te menge tig-Zoar, taman en is kegkezineǥa zuen diyà te Horonaim wey Eglat Shelishiya. Su minsan is wahig he Nimrim nemezahan en.

Deuteronomio 34:3

is Negev, wey is tivuuk he tanà he ebpuun te Suǥud te Jerico (sikan is mahabet is palma zuen) taman te Zoar.

Deuteronomio 9:14

Bey-ani ad kenikew su edezeetan ku sikandan su wey melipati en sikandan. Ne edhimuwen ku sikew wey is menge kevuwazan nu he nasyun he mekeǥeǥehem pa wey mahabet pa kandan.’