Genesis 19:16 - Manobo Western Bukidnon OT

¹⁶ Ne minsan pa zutun midlanganlangan pa si Lot. Ne tenged te nehizuwan sikandan te Nengazen, migewezan sikandan duen te menge velinsuǥuen diyà te zezuwa he velad dan, su wey zan mekeǥawas dutun te inged.

Genesis 19:16 ပူးပေါင်းရင်းမြစ်များ

Genesis 19:15

Ne hein egkeriwaswas en, impeǥaangaan en si Lot dutun te zezuwa he velinsuǥuen he med-awè dan en dutun te inged, ke sikandan te, “Gaanggaan ka! Genat ke en, dumaha nu is esawa nu wey is menge anak nu he raǥa, su kela ke mekeragkes kew kayi te kedlimasa kayi te inged, tenged te utew meremerik he ulaula te menge etew kayi.”

Genesis 43:10

Angin ke wazè key mesanggen su kezezuwa key en pezem mekehendiyà wey mekeulì dini.”

1 Cronica 16:34

Peselemati is Nengazen te keupiya zin; wazà pidtemanan te gaǥew zin.

Salmo 103:13

Is amey hihizuwen te menge anak din, ne iring din ded daan is Nengazen su hihizuwen te menge edtahud kandin.

Salmo 106:1

Deliǥa is Nengazen! Peselemati sikandin su meupiya sikandin; wazà pidtemanan te ǥaǥew zin.

Salmo 106:8

Piru midlibri nu sikandan para te zengeg nu wey te kebpaahà kandan te ǥehem nu.

Salmo 107:1

Peselemati is Nengazen, su meupiya sikandin; wazà pidtemanan te ǥaǥew zin.

Salmo 111:4

Ne ibpetentenuzan din kenitew is egkein-inuwan he menge vaal zin. Meupiya sikandin wey hihizuwen;

Salmo 118:1

Peselemati is Nengazen su meupiya sikandin; Wazà pidtemanan te ǥaǥew zin.

Salmo 119:60

Ne seǥuǥunè ku midtuman is menge suǥù nu.

Salmo 136:1

Peselemati is Nengazen su meupiya sikandin. Wazà pidtemanan te ǥaǥew zin.

Salmo 32:10

Mahabet is menge kemereǥenan he egkeseǥazan te lalung he menge etew, iyan, sikan mulà, is midsarig diyà te Nengazen, ebmahalen din wey edlevanan din sikandan.

Salmo 33:18

Ebentayan te Nengazen is menge edtahud kandin, he edsarig te kebmahala zin kandan.

Salmo 33:19

Iyan sikandin edlibri kandan te kemetayen wey ed-uyag kandan emun timpu te vitil.

Salmo 34:12

Egkesuat kew ve he mekaangken te kelipey wey melugayad he untung?

Salmo 86:15

Piru sikew, Nengazen, hihizuwen ka wey veliǥeǥawen ka he Megbevayà. Beliǥeǥawen ka wey metinumanen, ne kenè ka melemu he egkepauk.

Salmo 86:5

Tutuu he meupiya ka wey mepineseyluwen, ne utew nu mibmahal is langun he ebpengumew-umew kenikew.

Exodus 34:6

Ne midsaǥad is Nengazen diyà te etuvangan din ne mibpekezaǥing sikandin is egkaǥi te, “Siak is Nengazen, Megbevayà a he veliǥeǥawen wey hihizuwen, ne kenà a melemu he egkepauk, ne ibpeehè ku is dekelà he kebmahal ku wey kebmetinumanen ku.

Exodus 34:7

Ibpeehè ku is kebmahala ku te mahabet he menge etew, ne ebpeseyluwen ku is kezaat dan, kerepasan dan, wey menge salè dan. Piru edsilutan ku is mekesesalà, ragkes is menge kevuwazan dan taman te iketelu wey ikeepat he lapis te kevuwazan.”

Isaias 63:9

Diyà te langun he menge elentusen dan, nekaantus daan sikandin, ne midlibri zin sikandan pinaaǥi te velinsuǥuen he mibpezayag diyà te etuvangan din. Tenged te kebmahala wey kegkehizuwi zin kandan midlibri zin sikandan; mid-etiman din sikandan seled te langun he andew zutun te nehuna he timpu.

Penhulùhulù 3:22

he is kebmahal wey hizu te Nengazen ne wazà pidtemanan. Umbe wazè kiw zed mepurung mezeeti.

Numero 14:18

veliǥeǥawen ka wey kenè ka melemu he egkepauk, wey mepineseyluwen ka te menge salà wey kedrapas te etew. Piru edsilutan nu is menge mekesesalà, taman te iketelu wey ikeepat he lapis te kevuwazan.

Deuteronomio 4:31

Su hihizuwen is Nengazen he Megbevayè niw. Kenè kew zin ebey-anan wey kenè kew zin edèdeetan. Kenè din edlipatan is kebpekid-uyun din he impenangdù din diyà te menge kepuun niw.

Deuteronomio 5:15

Tentenuzi niw he menge uripen kew zaan dengan diyà te Ehipto, ne iyan a, is Nengazen he Megbevayè niw, mibpeǥawas keniyu ziyà pinaaǥi te zekelà he ǥehem ku. Umbe tumana niw is ebpeveelan ku zutun te Andew te Kedhimeley, su iyan a is Nengazen he Megbevayè niw midsuǥù keniyu.

Deuteronomio 6:21

Keǥiyi niw sikandan te, ‘Menge uripen key zengan te hadì te Ehipto, piru impeǥawas key ziyà te Nengazen pinaaǥi te zekelà he ǥehem din.

Deuteronomio 7:8

Mibpilì kew zin su geina te mahal kew zin wey edtumanen din is penangdù din diyà te menge kepuun niw. Umbe impeǥawas kew zin diyà te Ehipto pinaaǥi te zekelà he ǥehem din, ne migaud kew zin puun te kegkeuripena keniyu te Faraon he hadì te Ehipto.

Josue 6:22

Ne migkeǥiyan ni Josue sikan is dezuwa he neniid diyà te Jerico te midlavey he timpu te, “Hendiyè kew te valey zuen te vahi he ebelegyà te zengeg din, ne iǥawas niw sikandin wey is langun he sakup te pemilya zin sumalà is insaad niw kandin.”