Genesis 19:13 - Manobo Western Bukidnon OT

¹³ su edèdeetan dey en heini is inged. Nezineg en te Nengazen is menge riklamu kandan tenged te menge ulaula zan he mezaat. Umbe midsuǥù key zin dini su ibpelimas din kenami heini he inged.”

Genesis 19:13 ပူးပေါင်းရင်းမြစ်များ

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 18:20

Ne migkaǥi zutun is Nengazen diyà te ki Abraham te, “Utew kun mezaat is menge ulaula te menge tig-Sodom wey menge tig-Gomora wey utew kun meveǥat is menge salè dan.

Genesis 19:12

Ne migkaǥi haazà is dezuwa ziyà te ki Lot te, “Emun duen nu pa menge zuma kayi, iring te menge anak nu he maama wey vahi, wey menge mekaamung nu, wey is minsan hentei pa he menge sakup nu kayi te inged, kinahanglan he zumaha nu en ne pelaǥuy kew pehendiyà te ǥawas te inged,

Isaias 3:11

Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Isaias 36:10

Kunaan din buwa ke wazà a suǥua te Nengazen te kedhendini te kedezaat kayi he nasyun? Iyan mismu is Nengazen midsuǥù kedì te kedsurung wey kedezaat kayi he nasyun.”

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Jeremias 44:22

Hein kenè en egkaantus te Nengazen is kelelalung wey utew mezaat he menge vaal niw, midhimu zin is tanè niw he telemayen wey mekevulungbulung, he wazè en duen ed-ubpà, he iyan is nehitavù en guntaan.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Numero 16:21

“Pekeziyù kew kayi te menge etew su ebpenhimetayan ku sikandan guntaan.”

Deuteronomio 28:45

Egkehitavù heini is langun he menge rawak diyà te keniyu taman te kebpemematey niw, emun kenè niw ebpemineǥen is Nengazen he Megbevayè niw wey kenè niw edtumanen is menge suǥù din wey is menge sulunuzen he imbeǥey zin keniyu.

Deuteronomio 4:26

“Guntaan he andew ibpetistiǥu ku is langit wey tanà he emun ebaal kew te ledawan he ed-ezapen ne meǥaan kew zà egkahanew puun duen te tanà he ed-engkenen niw ziyà layun te Jordan. Mevavè dà he timpu is kebpekeubpè niw zutun ne egkepurung kew en egkezeeti.