Genesis 19:1 - Manobo Western Bukidnon OT

¹ Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,

Genesis 19:1 ပူးပေါင်းရင်းမြစ်များ

Genesis 11:27

Iyan heini guǥud mehitenged te pemilya ni Tera. Si Tera, iyan amey eni Abram, si Nahor, wey si Haran. Ne si Haran, ne nevuwad sikandin ki Lot.

Genesis 13:12

Ne si Abram, diyà sikandin med-ubpà te tanà he Canaan; ne si Lot mulà, diyà sikandin med-ubpà te menge inged diyà te menge suǥud he uvey te Sodom ne zutun ne ziyè din benguna is menge tulda zin.

Genesis 18:16

Ne migenat en dutun haazà is tetelu he maama. Inhated sikandan ni Abraham taman te nepantew zan is inged he Sodom.

Genesis 18:22

Ne zutun migenat is dezuwa he menge maama su edhendiyè dan te Sodom, piru si Abraham, diyè ded edhithitindeg te etuvangan te Nengazen.

Genesis 19:10

Piru haazà is dezuwa he maama he ziyà te seled, mibpuwasan dan is gemawan ne midsengguyud dan si Lot ne inseled dan dutun te valey ne midlelekeb dan.

Genesis 19:2

“Edhengyuan ku sikiyu, menge zatù, tuluy kew pa ziyà te valey ku te suluǥuen niw. Penlùlui niw is menge paa niw wey hulavung kew pa. Keeselem kew en laus te hipenawan niw.” Ne midtavak sikandan te, “Maambe en su zini key zà edhulavung te pelasa.”

Genesis 23:12

Ne mid-uman si Abraham medluhud he tuus te kebpeselamat din diyà te etuvangan te menge meǥinged dutun,

Genesis 48:12

Ne migkuwa ni Jose is menge anak din he midsekepu ni Israel, ne midlangkeb sikandin he iyan kedtahud din te amey zin.

Job 29:7

Emun edhendiyà a te pultahan te inged su edtampu a te ebpemendumala te inged dutun te kebmiting dan,

Job 31:32

Wazè ku ikesuat ke minsan hendei zà duen mekehizeǥà is menge langyew su ebirtu is baley ku para kandan.

Salmo 69:12

Iyan a layun ed-ituka te menge etew he ebpemimpinuu ziyà te pultahan te inged, ne egkekanta is egkengelangut te kanta he idsudì kedì.

Ruth 4:1

Ne si Boaz, diyà sikandin medtandang te husayan he ziyà te pultahan dutun te inged ne zutun sikandin mebpinuu. Ne zutun nekeuma haazà is etew he migkaǥi ni Boaz he iyan sikan is mesipeg te esawa ni Ruth. Ne mid-umew sikandin ni Boaz, ke sikandin te, “Geli, uvey ka kayi ne pinuu ke zèpa.” Ne zutun mid-uvey haaza is etew ne mibpinuu.