Genesis 18:32 - Manobo Western Bukidnon OT

³² Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”

Genesis 18:32 ပူးပေါင်းရင်းမြစ်များ

Genesis 18:30

Ne migkaǥi en maan si Abraham te, “Pekelalaglalag ka, Nengazen, ne kenà a kenikew mepeuki su ebpenginginsè e pa. Penenglitan ke zuen egkeehè nu he 30 he menge metazeng?” Ne midtavak is Nengazen te, “Emun duen egkeehè ku he 30 ne kenè ku zaan edlimasen.”

Genesis 18:31

Ne migkaǥi en maan si Abraham te, “Nengazen, ǥeina te mibpekevurut e pa maan he egkaǥi ziyan te kenikew te, ibpelaus ku pa is egkeǥiyen ku. Ne penenglitan, emun duen 20 he metazeng he egkeehè nu, edlimasen nu zed be?” Ne midtavak is Nengazen te, “Ke zuen minsan 20, kenè ku en edlimasen is inged.”

Genesis 44:18

Ne zutun mid-uvayan si Jose ni Juda ne ke si Juda te, “Pekelalaglalag ka, datù, ne tuǥuti a kenikew is suluǥuen nu he mekekaǥi a ziyà te kenikew. Ne minsan pa te nekedrepeng kew te hadì te Ehipto ne kenà a kenikew mepeuki.

Job 33:23

“Piru emun duen sevaha zuen te linibu he menge velinsuǥuen he ebpeteliwazà diyà te pid-elangan dan te Megbevayà, he ebpetanudtanud kandin ke hengkey is hustu he ereg he ebeelan din,

Salmo 86:5

Tutuu he meupiya ka wey mepineseyluwen, ne utew nu mibmahal is langun he ebpengumew-umew kenikew.

Exodus 32:14

Ne tenged kayi wazè ded leusi te Nengazen te edezaat is menge etew zin.

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Isaias 65:8

Migkaǥi zaan is Nengazen, “Wazà dèdeeti is mezaat he rupung dutun te menge paras su zuen pa zutun beǥas he egkepulusan, ne iring keniyan is ebeelan ku te menge etew ku, kenè ku zaan ed-eminen te edezaat is langun he menge etew ku. Edlibriyen ku is menge nenilbi kediey.

Jeremias 5:1

Migkaǥi is Nengazen te, “Sikiyu is menge meǥinged diyà te Jerusalem, hendiyè kew te menge zalan! Ne ehàa niw is menge pelasa! Emun duen egketuredu niw he minsan sevaha zà he metazeng wey egkeseriǥan he etew, ebpeseyluwen ku is menge meǥinged te inged niw.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Zatù 6:39

Ne migkaǥi si Gideon diyà te Megbevayà te, “Kenà a kenikew mepeuki su zuen pa sevaha he edhengyuen ku kenikew. Egkesuatan ku he memezahi heini is bulvul te kerehidu ne mebmahames is tanà diyà te peliǥuy zin.”