Genesis 18:30 - Manobo Western Bukidnon OT

³⁰ Ne migkaǥi en maan si Abraham te, “Pekelalaglalag ka, Nengazen, ne kenà a kenikew mepeuki su ebpenginginsè e pa. Penenglitan ke zuen egkeehè nu he 30 he menge metazeng?” Ne midtavak is Nengazen te, “Emun duen egkeehè ku he 30 ne kenè ku zaan edlimasen.”

Genesis 18:30 ပူးပေါင်းရင်းမြစ်များ

Genesis 18:29

Ne mid-insè pa maan si Abraham te, “Ne emun iyan nu zà egkaahà dutun is 40 he menge metazeng?” Ne midtavak is Nengazen te, “Emun duen egkeehè ku he 40 ne kenè ku edlimasen.”

Genesis 18:31

Ne migkaǥi en maan si Abraham te, “Nengazen, ǥeina te mibpekevurut e pa maan he egkaǥi ziyan te kenikew te, ibpelaus ku pa is egkeǥiyen ku. Ne penenglitan, emun duen 20 he metazeng he egkeehè nu, edlimasen nu zed be?” Ne midtavak is Nengazen te, “Ke zuen minsan 20, kenè ku en edlimasen is inged.”

Genesis 44:18

Ne zutun mid-uvayan si Jose ni Juda ne ke si Juda te, “Pekelalaglalag ka, datù, ne tuǥuti a kenikew is suluǥuen nu he mekekaǥi a ziyà te kenikew. Ne minsan pa te nekedrepeng kew te hadì te Ehipto ne kenà a kenikew mepeuki.

Job 40:4

“Kenà a ereg he edtavak kenikew. Hengkey is idtavak ku? Ebpereremek e zà.

Salmo 10:17

Nengazen, nezineg nu is ampù te menge egkaayuayu he menge etew. Ne ǥeina te ebpemineǥen nu sikandan, edlig-enan nu sikandan.

Salmo 89:7

Edtehuzan ka ziyà te menge ketiǥuman te ilengiten he menge linimbag. Is langun he edliǥuy kenikew ne zuen dan kegkahandek kenikew.

Salmo 9:12

Ebelesan din is ebpemendaagdaag, su edseǥipaan din is kebpekitavang te menge dinaagdaag.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Zatù 6:39

Ne migkaǥi si Gideon diyà te Megbevayà te, “Kenà a kenikew mepeuki su zuen pa sevaha he edhengyuen ku kenikew. Egkesuatan ku he memezahi heini is bulvul te kerehidu ne mebmahames is tanà diyà te peliǥuy zin.”