Genesis 17:23 - Manobo Western Bukidnon OT

²³ Ne zutun dà he andew, midtuman ni Abraham is insuǥù kandin te Megbevayà. Midsirkunsidar zin is anak din he si Ishmael wey is langun he maama he ziyà te valey zin: is menge uripen he ziyà ianak te valey zin wey is menge uripen he mibpemasa zin.

Genesis 17:23 ပူးပေါင်းရင်းမြစ်များ

Genesis 14:14

Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.

Genesis 17:9

Ne migkaǥi en maan is Megbevayà diyà te ki Abraham te, “Kenè nu lipati is kebpekid-uyun ku kenikew. Iyan daan heini meupiya he ed-ul-ulahan te menge kevuwazan nu te peleebuten he lapis te kevuwazan nu.

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 34:24

Ne mid-uyunan te langun he menge maama he meǥinged dutun haazà is sambag ni Hamor wey te anak din he si Shekem. Umbe mibpesirkunsidar is langun he menge maama zutun te inged.

Salmo 119:60

Ne seǥuǥunè ku midtuman is menge suǥù nu.

Erubasa 27:1

Kenè nu izantal is ed-ul-ulahan nu wey is meupiya he egkeulaula ziyà te kenikew te huziyan he timpu, su minsan pa is egkehitavù te sunud he andew wazè nu metueni.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.