Genesis 17:22 - Manobo Western Bukidnon OT

²² Ne hein nekeipus he edlalag is Megbevayà diyà te ki Abraham, nahanew sikandin dutun te ked-ahà ni Abraham.

Genesis 17:22 ပူးပေါင်းရင်းမြစ်များ

Genesis 17:3

Ne zutun midlangkeb si Abram diyà te tanà ne migkaǥi en maan kandin is Megbevayà te,

Genesis 18:33

Ne zutun nepasad is kebitiyara zan, nahanew is Nengazen, ne mid-ulì si Abraham diyà te kandan.

Exodus 20:22

Ne migkeǥiyan te Nengazen si Moises te, “Keǥiya nu ziyà te menge Israilihanen heini is lalag ku ziyà te kandan he edhenduen: Neehè niw is kebpekidlalag ku keniyu puun diyà te langit.

Numero 12:9

Utew sikandan nepeuki te Nengazen ne mid-awà sikandin.

Deuteronomio 5:4

Dutun te vuntud mibpekidlalag is Nengazen keniyu he ziyà ebpuun is laǥeng din te hapuy ne zutun henduen be te ziyè en sikandin te etuvangan niw.

Zatù 13:20

Nevatun sikan is hapuy pehendiyà te langit duma zuen te velinsuǥuen te Nengazen. Ne tenged dutun te neehè dan midluhud haazà is teleesawa.

Zatù 6:21

Ne insenggir zuen te velinsuǥuen te Nengazen is tuked he egewezan din duen te keenen. Ne segugunà midlepew is regreg puun duen te vatu, ne migkaan dutun te hapuy sikan is usa wey supas. Ne nahanew sikan is belinsuǥuen.