Genesis 17:21 - Manobo Western Bukidnon OT

²¹ Piru haazà is kebpekid-uyun ku kenikew, ibpelaus ku zaan diyà te anak nu he si Isaac he id-anak ni Sara seled te senge tuig pa ǥuntaan.”

Genesis 17:21 ပူးပေါင်းရင်းမြစ်များ

Genesis 17:19

Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 18:10

Ne zutun migkaǥi is Nengazen te, “Senge tuig pa ǥuntaan, edlikuan ku sikiyu ne zutun he timpu, si Sara, is esawa nu, id-anak din is maama.” Ne ziyà si Sara te ǥemawan te valey he egkeiniyuǥan dan is ebpemineg te vitiyara zan.

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Genesis 21:1

Midtentenuzan te Nengazen is migkaǥi zin he edhimuwen din diyà te ki Sara sumalà is insaad din.

Genesis 46:1

Ne zutun migenat si Jacob duma te pemilya zin, ne mid-uwit dan is langun he menge azen dan. Ne hein nekeuma zan diyà te Beersheba, mibpemuhat din is Megbevayà te amey zin he si Isaac.

Genesis 48:15

Ne zutun mibpenubtuvazan din sikandan ke sikandin te, “Berakat he ebpenubtuvazan heini he menge vatà te Megbevayà he ed-ezapen te menge kepuun ku he si Abraham wey si Isaac, kes Megbevayà he mid-elima kedì te tivuuk he untung ku taman en guntaan.

Job 14:13

“He Nengazen, deyzey ke id-eles a kenikew ziyà te lugar te menge minatey taman te egkaawà is pauk nu, ne edteleenen nu is timpu he edtentenuzan a kenikew zutun he lugar.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.