Genesis 17:19 - Manobo Western Bukidnon OT

¹⁹ Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 17:19 ပူးပေါင်းရင်းမြစ်များ

Genesis 16:11

Ne impelaus din is egkeǥiyen din kandin te, “Meǥingey ka, ne maama is id-anak nu. Ishmael is igngazan nu kandin, su nezineg te Nengazen is menge pengemuyù nu kandin tenged te merasey is egkeulaula nu.

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 17:18

Ne ke sikandin diyà te Megbevayà te, “Emun iyan heeyan egkehitavù, edhengyuen ku he ikeǥaǥew nu zaan is anak ku he si Ishmael.”

Genesis 17:21

Piru haazà is kebpekid-uyun ku kenikew, ibpelaus ku zaan diyà te anak nu he si Isaac he id-anak ni Sara seled te senge tuig pa ǥuntaan.”

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 21:6

Ne migkaǥi si Sara te, “Midhimu human te Megbevayà he mekeengit a te kegkelipey ne ebpekeengit daan te kegkelipey is minsan hentei he egketudtulan mehitenged kayi.

Genesis 26:2

Ne mibpaahà is Nengazen kandin, he egkaǥi te, “Kenè ka hendiyà te Ehipto; diyan ke zà ubpà te lugar he ibpeehè ku kenikew.

Genesis 26:3

Kayi ke zà ubpà dèpa su edumahan ku sikew wey edtuvazan ku sikew. Ibeǥey ku heini kenikew wey ziyà te menge kevuwazan nu heini is langun he tanà. Edtumanen ku is pesarig ku te amey nu he si Abraham.

Genesis 9:16

Emun egkeehè niw is belugtu ziyà te menge ǥapun, ed-ahaan ku zaan, ne edtenuzan ku is wazà pidtemanan he kebpekid-uyun ku keniyu te langun he linimbag ku ziyan te kelibutan he egeǥehinawa.”