Genesis 17:18 - Manobo Western Bukidnon OT

¹⁸ Ne ke sikandin diyà te Megbevayà te, “Emun iyan heeyan egkehitavù, edhengyuen ku he ikeǥaǥew nu zaan is anak ku he si Ishmael.”

Genesis 17:18 ပူးပေါင်းရင်းမြစ်များ

Genesis 17:17

Ne zutun midlangkeb en maan si Abraham diyà te tanà, ne mid-engit su ke sikandin diyà te ǥehinawa zin te, “Egkehimu ves he egkevuwad a, is maama he 100 en is penuiǥen din? Ne egkehimu ves daan he ed-anak si Sara is 90 en is penuiǥen din?”

Genesis 17:19

Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 21:11

Utew heini ingkeseeng ni Abraham tenged te anak din man daan si Ishmael.

Genesis 4:12

Minsan duen ibpemula nu kayi te tanà ne ebpengelinteuwan ku he kenè en ebeǥasan heini. Wazè en egketendù he egkeubpaan nu umbe ebpekeriǥuriǥu ke zà te minsan hendei zini te lumpad.”

Genesis 4:14

Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Salmo 4:6

Mahabet is egkaǥi te, “Nengazen kehizuwi key; iyan ka metau he uzara key. Ipeehè nu is keupiya nu kenami!”

Salmo 41:12

Tenged te wazà mezaat he vaal ku, ne idtuǥut nu he mekeubpà a zuma kenikew te wazà pidtemanan.

Isaias 59:2

Iyan nekepesuwey keniyu puun te Megbevayà is menge salè niw ne iyan daan heini hinungdan he mid-iniyuǥan kew zin wey kenè en ebpemineg te menge kebpengemuyù niw.

Jeremias 32:39

Edhimuwen he mesevaha is ketuyuan dan te kebpengungubpaan, su wey zan layun medtahud kediey, ne para heini te keupiyaanan dan wey keupiyaanan te menge kevuwazan dan.