Genesis 17:10 - Manobo Western Bukidnon OT

¹⁰ Ne mehitenged keniyan he kebpekid-uyun, kinahanglan he ebpesirkunsidar is langun he menge maama ziyan te keniyu.

Genesis 17:10 ပူးပေါင်းရင်းမြစ်များ

Genesis 17:11

Kinahanglan he edsirkunsidaren is langun he menge maama, ne iyan haazà tuus te kebpekid-uyun ku keniyu.

Genesis 17:23

Ne zutun dà he andew, midtuman ni Abraham is insuǥù kandin te Megbevayà. Midsirkunsidar zin is anak din he si Ishmael wey is langun he maama he ziyà te valey zin: is menge uripen he ziyà ianak te valey zin wey is menge uripen he mibpemasa zin.

Genesis 17:27

wey is langun he menge uripen din he maama he ziyà ianak te valey zin, wey menge uripen he maama he mibpemasa zin diyà te menge lumelengyawà.

Genesis 21:4

Ne hein ikewalu he andew puun dutun te ked-enaka ki Isaac, midsirkunsidar sikandin ni Abraham sumalà is insuǥù kandin te Nengazen.

Genesis 34:15

Ebpemineg key he ibpeesawa kenikew is etevey zey ke ebpekeiring kew kenami.

Genesis 34:22

Iyan, wey zan dà ebpekeuyun he zini zan ed-ubpà te kenitew ke ebpesirkunsidar kiw is langun he menge maama iring kandan.

Exodus 12:48

“Is kenà Hebriyuhanen he ebpekesahug diyà te keniyu he egkesuat he edsilibra te Pista te Kedlavey te Belinsuǥuen su wey meveǥayi te zengeg is Nengazen, kinahanglan he ipesirkunsidar zin is langun he menge maama he sakup te pemilya zin. Ne human sikandin egkehimu he edtampu su kuwinta, egkehimu en sikandin he Hebriyuhanen. Kenà egkehimu he ebpeketampu zutun is minsan hentei he maama he wazà mesirkunsidar.

Exodus 4:25

Piru migkuwa si Zipora te meǥarang he vatu ne midsirkunsidar zin is anak din, ne is lundis he nekuwa zin, indazas din diyà te sineruwan ni Moises. Ne migkaǥi si Zipora te, “Tutuu iyan he esawa ku sikew tenged te lengesa.” (Nekaǥi ni Zipora heini he iyan ibpesavut is kegkesirkunsidara.) Umbe wazà himetayi te Nengazen si Moises.

Jeremias 4:4

Sikiyu is menge etew ziyà te Juda wey Jerusalem, lumpiyuwi niw is gehinawa niw ziyà te etuvangan te Nengazen, su emun kenà, ne egkeǥezaman niw is pauk ku he iring te hapuy he kenà egkeevukan tenged te kezaat te vaal niw.

Deuteronomio 10:16

Umbe, beǥuwa niw en is gehinawa niw ne engkezi niw en is kebmesinupaken niw.

Deuteronomio 30:6

Ebeǥuwen te Nengazen he Megbevayè niw is menge ǥehinawa niw wey is menge ǥehinawa te menge kevuwazan niw su para mahala niw sikandin te ebpuun diyà te tivuuk he ǥehinawa niw wey kedsavut niw, ne egkembuwayan kew.

Josue 5:2

Dutun he timpu migkaǥi is Nengazen diyà te ki Josue te, “Vaal ka te menge ubpit he lintikan he vatu, ne veeli nu en maan is kedsirkunsidar te menge Israilihanen he wazà mesirkunsidar.”

Josue 5:4

Iyan heini hinungdan ke maan is mibpensirkunsidar ni Josue is menge maama: Hein mibpuun is menge Israilihanen diyà te Ehipto, nesirkunsidar en is langun he menge maama kandan. Piru sikan is impen-anak seled te 40 he tuig te kebpekeriǥuriǥu zan diyà te sibsivayan ne wazè pa mengesirkunsidar. Ne zutun he timpu, is menge maama he hustu en he id-asdang te tebek su netengkaan en is keǥurang dan nemematey su wazè dan mebpezumazuma te Nengazen. Migkeǥiyan sikandan te Nengazen he kenè dan en egkaahà is meupiya wey selebpeten he tanà he impenaad din diyà te menge kepuun tew he ibeǥey kenitew.