Genesis 16:6 - Manobo Western Bukidnon OT

⁶ Ne midtavak dutun si Abram diyà te ki Sarai te, “Emun iyan heeyan, idlikù ku sikandin diyan te kenikew ne bayèbayè ka ke hengkey is ed-ul-ulahan nu kandin.” Ne puun dutun, kenà meupiya is ebelan ni Sarai ki Hagar, umbe hein neuǥet ne mibpelaǥuy sikandin.

Genesis 16:6 ပူးပေါင်းရင်းမြစ်များ

Genesis 16:9

Ne zutun migkaǥi ziyà te kandin is belinsuǥuen te Nengazen, ke sikandin te, “Ulì ka ziyà te egalen nu ne pevayàbayè ka kandin.”

Genesis 24:10

Ne hein nepasad dutun, migkuwa is suluǥuen te sepulù he menge ayam he kemilyu ne migkergahan din te langun he kelasi te menge mahalen he igasa he ebpuun te egalen din he si Abraham. Migenat sikandin pehendiyà te inged he Aram Naharaim, he iyan inged he mid-ubpaan ni Nahor he hazi ni Abraham.

Job 2:6

Migkaǥi is Nengazen diyà te ki Setanas te, “Sigi, beeli nu is egkesuatan nu te ebaal ziyà te kandin, piru kenè nu sikandin himetayi.”

Exodus 2:15

Hein nezineg te hadì te Ehipto haazà is mibeelan ni Moises, ebpen-ahaan din te paaǥi he mepatey zin si Moises, piru mibpelaǥuy si Moises diyà te Midian ne zutun med-ubpà. Ne zutun te kebpekeuma zin, mibpinuu sikandin diyà te uvey te kalut.

Erubasa 14:29

Is etew he uluwanen, ne mepelevayen sikandin, ne egketuusan ta is tulebung su melemu sikandin egkepauk.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 27:8

Is etew he ebpekeziyù diyà te valey zin ne kenè en ed-ulì, iring sikandin te tagbis he mid-engkezan din is salag din.

Erubasa 29:19

Duen suluǥuen he kenà egkesuat he ebpenuruen pinaaǥi te kegkeǥiyi nu kandin, su minsan ebpekesavut ne kenè ke zin ebpemineǥen.

Megwewali 10:4

Emun egkepeukan ka te pengulu kenè nu vey-ani is ketengdanan nu, su emun egkevehew en is pauk din kela ke peseyluwa ke zin minsan dekelà is salà he nehimu nu.

Jeremias 38:5

Midtavak si Hadì Zedekia te, “Idsarig ku en sikandin keniyu. Iyan kew en metau kandin.”

Josue 9:25

Ne ǥuntaan kayi key en te zizalem te ǥehem nu, ne iyan ke en metau ke hengkey is ereg he ebeelan nu kenami.”