Genesis 16:5 - Manobo Western Bukidnon OT

⁵ Ne migkaǥi zutun si Sarai ziyà te ki Abram te, “Kenikew he salà heini is kebpelevawi kediey ni Hagar. Minsan pa te iyan a mibeǥey kandin diyan te kenikew, ebpelevawan e zin gihapun hein netuenan din he meǥingey en su kenè nu edewayen. Nesayud is Nengazen ke hentei kenita is ebpekevenar!”

Genesis 16:5 ပူးပေါင်းရင်းမြစ်များ

Genesis 16:4

Ne midhulizan ni Abram si Hagar ne mibmeǥingey si Hagar. Ne si Hagar, hein nesavut din he meǥingey sikandin, mibpelevawan din is egalen din he si Sarai.

Genesis 31:53

Ne ke edsupaken heini te minsan hentei kenita, berakat he siluti sikandin te Megbevayà ni Abraham wey Megbevayà ni Nahor he iyan daan Megbevayà te amey zan.” Ne mibpesarig daan si Jacob ne mibpetistiǥus te Megbevayà he edtehuzen te amey zin he si Isaac.

2 Cronica 24:22

Midlipatan ni Hadì Joash is kebpurungi kandin ni Jehoyada, he amey ni Zacarias, kekenà, mibpehimetayan din si Zacarias. Ne hein egkevidtawan en sikandin, ne ke sikandin te, “Berakat he seǥipaa te Nengazen is ebeelan niw, ne iyan sikandin mebales keniyu.”

Salmo 35:23

Nengazen he Megbevayè ku, levani e en kenikew kayi te menge etew he mibpesangil kedì.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Salmo 7:8

Iyan ka, Nengazen, edhukum te menge etew. Ipeehè nu he wazè ku salà, su netuenan nu man he metazeng a ne wazè ku mibeelan he mezaat.

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

Zatù 11:27

Wazà mezaat he mibeelan dey ziyà te keniyu, piru sikiyu mezaat is ed-ul-ulahan niw kenami su egkesuat kew he ebpekidtebek kenami. Iyan is Nengazen edhukum kenitew ke hentei is ebpekevenar kenitew.”

1 Samuel 24:16

Nepangkus is kegkaǥi ni David ne migkaǥi si Saul te, “Iyan ke ves heeyan David, anak ku?” Ne mibpurung medsineǥew.