Genesis 16:2 - Manobo Western Bukidnon OT

² Ne migkaǥi si Sarai ziyà te ki Abram te, “Tenged te wazà ituǥut te Nengazen he mekaanak a, deyzey pa vuwa ke edhulizan nu is uripen ku, su kela ke egkehimu he pinaaǥi kandin duen ku zed menge anak.” Ne mid-uyun dutun si Abram te sambag ni Sarai.

Genesis 16:2 ပူးပေါင်းရင်းမြစ်များ

Genesis 11:30

Ne si Sarai, kenà ed-anak umbe wazè din menge anak.

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 18:10

Ne zutun migkaǥi is Nengazen te, “Senge tuig pa ǥuntaan, edlikuan ku sikiyu ne zutun he timpu, si Sara, is esawa nu, id-anak din is maama.” Ne ziyà si Sara te ǥemawan te valey he egkeiniyuǥan dan is ebpemineg te vitiyara zan.

Genesis 19:31

Dutun he timpu, migkaǥi is kakey he anak din diyà te hazi zin te, “Utew en meǥurang is amey ta ne wazà kayi zuma pa he maama he ebpekeesawa kenita wey edhulid kenita sumalà is betasan te tivuuk he menusiyà.

Genesis 25:21

Tenged te kenà ed-anak si Rebeka, mid-ampù si Isaac diyà te Nengazen he med-anak ded is esawa zin. Midtavak te Nengazen is ked-ampù din, umbe mibmeǥingey zutun si Rebeka.

Genesis 3:12

Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”

Genesis 3:17

Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù.

Genesis 30:22

Si Raquel ne wazà daan melipati te Megbevayà. Midtavak din daan is pengemuyù din he mekaanak daan sikandin.

Genesis 30:6

Ne migkaǥi si Raquel te, “In-awà human te Megbevayà is keelezan ku. Midtavak din is pengemuyù ku, su imbeǥey zin kedì is sevaha he anak he maama.” Umbe migngezanan din haazà is batà ki Dan.

Salmo 127:3

Is menge anak beǥey wey gasa he ebpuun te Nengazen.

Exodus 21:4

Ne emun impepengesawa sikandin te egalen din dutun te timpu he kemulu en sikandin uripen, ne is bahi wey is menge vatà, ne egketaǥak dan dutun te egalen dan, umbe iyan dà ebpekeǥawas te kegkeuripen haazà is maama.

Ruth 4:11

Ne zutun migkaǥi is menge ebmeǥurangen wey is menge zuma he etew te, “Uya, iyan key ebpekepenistiǥus. Ne haazà is bahi he ed-esewaan nu, berakat he edhimuwen te Nengazen he iring sikandin ki Raquel wey ki Lea te menge esawa ni Israel dengan he utew kiw mezakel is menge kevuwazan dan. Berakat he medsepian ka is kevuwazan ni Efrata; berakat he mevantug ka zini te Betlehem.