Genesis 16:16 - Manobo Western Bukidnon OT

¹⁶ Is penuiǥen ni Abram ne 86 he tuig hein ked-enaka ni Hagar ki Ishmael.

Genesis 16:16 ပူးပေါင်းရင်းမြစ်များ

Genesis 12:4

Ne zutun, migenat si Abram sumalà is insuǥù kandin te Nengazen ne miduma zaan si Lot. Menge 75 is penuiǥen ni Abram dutun te timpu te ked-awè din dutun te Haran. Miduma zin is esawa zin he si Sarai wey is enaken din he si Lot. Elin daan miduma zin is langun he menge etew he nengesakup dan hein diyè dan pa te Haran. Ne mid-uwit dan daan is langun he menge azen dan. Midhipanew sikandan pehendiyà te tanà he Canaan.

Genesis 16:15

Ne mid-anak si Hagar te maama pinaaǥi ki Abram. Ne haazà is anak din, migngezanan ni Abram ki Ishmael.

Genesis 16:3

(Sepulù en he tuig dutun is ked-ubpà eni Abram diyà te tanà he Canaan.) Ne mibeyaan dutun ni Sarai haazà is uripen din he tig-Ehipto he si Hagar ne imbeǥey zin diyà te esawa zin wey zin meesawa.

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Genesis 17:25

Ne 13 he tuig is penuiǥen ni Ishmael zutun te kedsirkunsidara kandin.

Genesis 21:5

Ne 100 en is penuiǥen ni Abraham dutun te ked-enaka te anak din he si Isaac.

Genesis 25:17

Is keluǥayad te untung ni Ishmael 137 he tuig. Minatey sikandin ne in-amur sikandin te menge kepuun din he nemematey en.